ارفعوا اياديكم بالدعاء يوم غد يوم مبارك فأخيكم بأمس الحاجه للدعاء

الله يوفقك ويرزقك ماتريد
ويشفي والدتك

اشكركم جميع الاخوه والاخوات
والحمد لله وصلت للرياض والحين احدثكم من العاصمه
يا اخوان سبحان الله ونا بالطريق مكنت منتبه للجوال لقيت مكالمه بعد صلاة الجمعه لم برد عليها اشوي الا خالي يدق قال فيه شخص دق عليا ايقول لك بكره الصباح مر التجنيد حق الحرس الوطني عشان اوراقك اللي قبل شهرين وجيب معك الشهادات الاصل
طالعت بالرقم اللي دق على خالي الا هو نفس الرقم اللي دق علي وقت مكنت منتبه للجوال
المشكله ادق على الرقم مقفل " او يمكن مسوي خدمة خارج الخدمه" مدري
والله طول الطريق افكر يمكن الله استجاب للدعوات وبتنفرج وان الله ارسل لي احد وحن علي من البهذله اللي تبهذلتها بانتظار الوظيفه
وبعض الاحيان اقول يمكن انسان ميخاف الله ومسويها مقلب فيا احترت ماني لاقي تفسير الرجال مقال لخالي اسمه بس قال بكره يراجع التجنيد ويجيب معه صور لشهاداته وصور شخصيه
للحين ماني لاقي تفسير لهالاتصال وهالرقم لكن بتوكل على الله انا الحين وصلت الرياض بمرهم بكره واشوف دعواتكم تكفون بصلاة الفجر الله يحفظكم ويوفقكم جميع ومشكورين على انشغالكم بي ودعواتكم لي بظهر الغيب

الحمد لله يشباب ابشركم ان شاء الله بتنفرج اليوم
رحت للحرس الوطني وطلع اللي دق عليا يوم الجمعه فعلا موظف في قسم التجنيد " كلفه الضابط يدق يوم الاربعاء بس ايقول نسى ودق يوم الجمعه "
اليوم بحمد الله اعطوني اوراق البصمات والعمده
والكشف يوم 24/3
الله ييسرها ان شاء الله وتنفرج
وبكره باذن الله براجع معاملتي الثانيه في سلاح الصيانه
والتوفيق من الله
دعواتكم تكفون