لابد من الدفاع امام الشاعر العذب /اسعد السحيمي




ياالله يالواحد يامعبود ياكريم=ياخالق كونك والسما والبريه
يامنزلن سورة تبارك والتحريم=فيه المعاني الواضحه الجليه
ياخالقن قلبي على الفطره سليم=والحمد لله نفسي على السجيه
ماني مجامل لاسلامه ولاسْلّيِم=اصدع بكلمة حق ولوهي قويه
مير ان بعض الناس يقول انه فهيم=والفهم عند اهل العقول الذكيه
اعوذ بالله من الشيطان الرجيم=اللي دخل بين الخوي وخويه
جاني مرسال العلا مسممٍ تسميم=يالله دخيلك وش بلاهم عليه
يا اسعد كفانا منك بالله تصديم=وانته تسوق ورخصتك عالميه
الجلد يااسعد للي يطارد الحريم=ويصدر على منهو مشبك بنيه
والعظم يااسعد يكسر فاليوم العظيم=يومن الفرسانِ تقهوى المنيه
يالله اني في وجهك عن هاالمتاهيم= الدين صار اليوم الارهاب زيه
والله لولا الغلا اللي لك بالصميم=اني لقفي عنك في ديره خليه
يا اسعد على هونك ترى لونك مقيم=عندي لخلي ليلتك ليلهيه