{ ياراعي الـوحدة ترى منت مبسوط } ..محآورة شعريه للمتزوجين بـوآحـدة ..تحدي للمتزوجين

إرتحت راحه كامله أيام معدوده قليله

وبعد قامت مشكله بين الجديده والدويله

وكل وحده منّهن تطلبني أشياء مستحيله

الاوّله قالت أني الاصل والاخرى دخيله

والدار داري لاتقارني بهذيك الهبيله

ومعاك في خيرك وشرك في الخفيفه والثقيله

وعادني نأخذ ونعطي في الهوى ماني شليله

وانته خليلي من زمن والخل ماينسى خليله

والثانيه زعلت وقالت مستحيل أحيا ذليله

أني عزيزه غاليه ماجيت في يدّك سهيله

نزّلتني من برج ماحصلتني وسط المسيله

أوعدتني أني على دارك واموالك وكيله

والوعد يبقى وعد أو كلّين يمشي في سبيله

هذي مشاكلهن وهذي نارهن جنب الفتيله

بهذلن بي حوّشن بي , ثنتينهن نفس الفصيله

ونا معذّب منّهن وقتي يعدّي في زويله

مفروض يتفاهمن يتراحمن والرحمه فضيله

يرثين لي والخصم حتى لو نظر حالي رثى له

الله يهديهن ويهدي كلّ من ضيّع دليله

أعجبني وحبيت انقله لكم

حي الله راع القيفاني=شاعر وتحب الضيفاني
بس ان علومك مختلفه=تبني بيت بلا سيساني
انا ماخلفته كلامي=فعلي يسبق قول لساني
بس السوالف مقلوبه=أفهم قصدي يالفهماني
والا انته رجال مغامر=من مابك ربي يحماني

هــين يآبـو نـآدر يجيك الـدور لا تستعجل على رزقك ..!

مير شوف لك شاعر من المعددين وسو له وكاله

[وقف وقف يالحمراني=وتعوذ من الشيطاني
كلامك من فمك قلته=بك قلبك صاير صمطاني
بالمحاني تسكن وحده=وتقول الوحده تكفاني
واصبحت محرش ومورش=تعمل فتنه للنسواني
وموسى ربيع موكلني=وخالدالجذلي ينخاني
وانا شاعرهم واتحدى=للي يطب الميداني
وخلك انته وابو سامي=مع وحده ياليل داني
واحدكم الى ازعلته= يمسي ويصبح زعلاني

حي الله راع الألحآني=شاعر لكنه ورطاني
جانا فازع مدري محامي=يفزع لفلان ولفلاني
أنت وخالد معكم موسى=وأيضا رابعكم زيداني
مبلشكم ربي بالدنيا=صجة نسوان وبزراني
هذي تطلبكم كوفيرة=وأيضآ ناقصها فستاني
والأخرى تطلب شغاله=حجتها كثر الورعاني
ترضي هذي تزعل هذي=خلنك تمرح جيعاني
جاك الضغط وجاك السكر=حتى الشيب براسك باني
ولآجيتم تبغن الديره=والموتر وارد نيساني
ركبت العيله بالموتر=وأقفلتم كل البيباني
قامت هذي تنزر هذي=وأنت تناظر بآلأعيآني
مالك حيله بمطارحهن=ماغير تسد الأذآني
وأخلفنك من صجتهن=سقت الأول بعد الثاني
ماكينة الموتر حنت=وأنت تردد يارحماني
وأمبير الحراره أتش=والزيت معبي الشكماني
وأنته متلثم متحسف=منغل وطبعآ ندماني
وتردد بآلصوت الخافت=يالي متعدد غلطاني
يافالح لاتصير ارهابي=وتحرض بعض الشباني
وانا وأبو سامي براحه=مانطلب زود ونقصاني
مانبغى ياكود الوحده=لو كانت بنت السلطاني

هههههههههههههه ، محاورة ممتعة و متابعينكم ، لا هنتم

يا أبا ميعاد ، اللي ما يطول العنب ؟!

،
بانتظار رد أبو عمر ،