اول مادخلو
رنا ركضت عندامها وخلود رفعتها ع السرير وضمتها وقعدت تبوس فيها وتصيح
ام سند:خفي ع البنت يايمه مايصير تبكي قدامها
خلود:طلع يمه طلع ياسند طلع سعود بحياتي من جديد الي كنت خايفه منه صار سعود رجع لحياتي
سند:بس ياخلود خلاص مصيره يعرف اذا مو اليوم بكره
ضمة خلود رنا بقوه
وقعدت تصارخ
خلود:والله مايخذها والله ماياخذها
دخل خالد:تطمني خلود مابياخذها
سند: وش فيك كذا وش صايرلك
ام سند:لايكون متهاوش معه
خالد:هو بدا يمه اخذونا الشرطه وقعد يهدد ويتوعد
حتى الضابط انقهر منه
فهمت الضابط السالفه
وفهمه الضابط حتى لو رفع فضية ماراح يكسبها دام الام مو متزوجه والأب مهمل مثله ماراح يكسبها
وانتو عارفين عناد سعود قال بيدق عليها ويكلمها ويزورها فترات
وياخذها تسلم ع جدانها
خلود:ووافقت
خالد:هذا الشرع والقانون ياخلود خلاص هي عندك ع طول اهدي مايصير كذا
خلود:اهدى كيف اهدى ياخالد كيف رنا راح تروح من يدي هذا سعود سعود ياخالد محد يعرفه غيري
خالد:ياخلود هدي بالك ماراح يقدر يسوي شي يابنت هدي
هيهات خلود تهدى والسالفه فيها سعود هيهات
وطلب سندمن الممرضه تعطيها ابره مهدئه ترتاح شوي وتهدى اعصابها ونامت الصبح كتبو لها خروج الوضع فالبيت عادي الكل قضى يومه مثل قبل بس خلود لاليلها ليل ولانهارها نهار وجا اليوم الي كانت تتنظره بخوف
واندق جرس البيت
وافتحت رنا
سعود سعود هو الي جا
موقادره خلود تفتح فمها عارفه جبروت هالشخص مافي قلبه لارحمه ولاحنيه
سندوخالد عارفين اي شي يسوونه ينقلب ضدهم تركوه ع راحته
سلم سعود ع رنا وحاول ياخذها بس رفضت والي قهرها يوم تنادي خالد بابا
سعود بنفسه هين ياخالد ان ما وريتك نجوم الضهر ماكون سعود
استأذن سعود وطلع بسرعه
وخلود ضمت رنا وبكت
رنا:ماما ليش تبكي
خلود بكت زياده وضمتها
رنا:ماما ماراح ياخذني اناماراح اسيبك
خلود:منهو؟؟؟؟؟؟؟
رنا: هذا الرجال الي دايم يصاراخ انتي ماتحبيه حتى انا ماحبه
خلود:موقادره تسكت من البكا
جاخالد وطلب من رنا تروح تلعب برا
وهدى خلود وريحها سعود ماله حق ياخذها عنده ع طول انتي الي لكي الحق
ونصحها ماتبكي كثير عند رنا
البنت قامت تسأله كثير
وليش ماما ماتبكي الا اذا جا سعود؟؟
توسلت خلود لخالد مايحكي لرنا شي البنت لساتها صغيره
خالد:خلود انا بطريقتي بفهما الوضوع
خلود:لاياخالد لاياخوي دخيلك لا تقول لها
خالد:خلود تجي مننا احسن ماتجي من سعود انتي عارفه سعود دفش ويمكن يعقدالبنت بالكلام
افتنعت خلود واخذ خالد رنا وفتح معها الموضوع
رنا:كيف يعني بابا يعني انا عندي اثنين ابوهات
خالد:ايوه بس هذاك ابوكي الصدق
رنا:طب وين كان زمان ليش ماينام عندنا
خالد:يجي يابابا يجي وياخذك معه لجدك وجدتك
رنا:مين جده جده ثانيه غير جدوام ماما
تنهدخالد:ايوه يابابا غير ان شاء الله تزوريهم وتعرفيهم بس خليكي مؤدبه خلاص
رنا:طب متى اروح
خالد:العصريابابا العصرتروحي
رنا:ماماتجي معاي
خالد:لا انتي لوحدك تروحي
رنا:لا لا ليش ماما ماتروح
خالد:تبغي ماماتتعب لازم تروحي
رنا:خلاص اروح
خالد:شاطره حبيبت ابوها ياالله انزلي اتغدي ونامي شوي عشان العصر تروحي
رنا:طيب
وصل سعود حاول يسبب خلاف لاكن خالد هالمره كتم غضبه
سعود كان جالس بالمجلس عند رنا
وشوي دخل محمد
محمد:السلام عليكم
سعود:رافع حاجب مين انت
محمد:انامحمد ابوي سند
(لقاها فرصه)
سعود:اهاه انعم واكرم
وان شاء الله كل شوي مقابل بنتي
محمد:ايوه حنا مع بعض دايم
كلنا ننام فبيت جدو
سعود:ياحبيبي ونعم التربيه قم قم ناد ابوك ولاخالد بتفاهم معهم
خالد:خيران شاء الله صوتك واصل لشارع خير وش فيه
سعود:اهلن اهلن بالابو المثالي
خالد:خير ياسعود وش عندك بعد ٠
سعود:لاه لك وجه تسأل
خالد:ياحول خير ياسعود
سعود:ومنين يجي الخير وبنتي تاكل وتشرب مع عيال عمها
خالد:هو ولد واحد ياسعود
سعود:واذا ولد خير ياطير
خالد:سعود استهدي بالله
سعود:اسمع ياخالد بنتي ماخذها ماخذها فاهم
خالد:اعلى مابخيلك اركبه
سعود:يصير خير
وطلع
اخذ خالد رنا الي بدت تصيح وقعد يهديها
ولماقامو شافو خلود واقفه ورى ودمعتها ع خدها
خالد :خلاص خلود
خلود:ساكته
خالد:خلود ايش فيك
خلود:سعود راح ياخذها ياخالد
راح ياخذها وطلعت تبكي
خالد:لاحول ولاقوة الا بالله
بعدفتره جا اتصال للبيت وطلبو خالد ع التليفون
الكل يناضر يتكلم ويقول لهم السالفه
بس خالد ساكت ومنصدم
ام سند:خالديمه وش السالفه
سند:خالد مين الي دق؟
خالد:ساكت
خلود:سعود صح
خالد:ناضر فخلود وبكت خلود ونزلت دمعة خالد
خلود:انهارت من البكى خلاص رنا بتروح مني
لاماياخذها ماياخذها فهمتو محد ياخذها مني
ام سند:هدي يايمه هدي مايصير كذا
خالودارتمت بحضن امهاوبدت تصيح ومها تسمي وتقرى عليها
هدت شوي وجا سند
خلود:وين خالد
سند:طلع يتمشى مع رنا
سند:اجلسي يمه بغيتك بسالفه مع خلود
خلود:سعود صح
سند هز راسه
وبدت تبكي خلود
سند:يمه خلود انابفهمكم الموضوع ومابي احد يقاطعني
ام سند:خير يمه
سند:سعود رفع قضيه يطالب فبنته والقضيةاحتمال ضئيل انه يكسبهاان شاء الله نكسبها حنا
ان صار عكس مانبي نبيكم تامنو بقضاء الله وقدره
وهي مورايحه مع شخص غريب مع ابوها
وبنزورها وتزورنا غصبن عن الكل
خلاص يمه خلاص خلود
خلود ردي
ام سند: خلود خلود
وخلود ماتردصدمه جديده ماهي قد حملها واغمى عليها
ام سند:يمه سند الحق ع البنت لاتموت بين يدينا
واخذوها ع المستشفى حالت خلود سيئه انهيار مع سواء تغذيه
والاهل كلن يبكي من عنده والكل يدعي ع سعود
رنا:تبكي بابا ماما مريضه
خالد:لايابابا هي تعبانه شوي
رنا:هي دايم تصيح لاجا هذاك سعود انامحبه
خالد:لايابابا عيب احنا ايش قلنا هذا بابا عيب تقولي له كذا
رنا:ماحبه ماابغا اروح معه
خالد:رنا ؟؟
رنا:ايوه بابا صدق ماحبه بس يصارخ وانتو لا
خالد:سكت فضل السكوت لاينهار هو الثاني ودعاء ع سعود منك لله ياسعود عقدت البنت الله لايوفقك
آه يارب بكره ميعاد المحكمه الله يسترحاس ان سعود ضامن القضية
يارب الطف بحال اختي يارب صبرها وريح بالهايارب
فالصباح بالعافيه قدرو يسحبو رنا من خلود
لازم يحضرو الجلسه ورنا معهم
سكتوخلودبالابرالمنومه واستسلمت لنوم بسهوله


فالمحكمه
تحجج سعود بوجود محمدفالبيت وان بنته عوره بالنسبه لمحمد وماتحل تكشف عنه وانه يبي ياخذ بنته ويربيها بين اخوانها ويلق عليهاقبل لاتخرب وتضيع وسط التحرر الي شافه عند اهل طليقته
وحكم القاضي له انه ياخذ بنته
ومايحق له يمنع بنته عن امها
وبكذا خسرخالدالقضية وكسبها سعود انبسط كثيروهو يشوف براكين الغضب بعيون خوالها
وانقهر من رنا صياحها واصل اخرالديره
رنا:بابا خالد لاتخليني
خالد:حاول يكتم مثل قبل بس خلاص ماعاد فيه حيل يصبر نزلت دموعه
عشراسنين ورنامعه
كان نعم الاب لها كبرها وربها وفهمها الصح والغلط وسعود كان مختفي من حياتها اسمه بس الي تعرفه وغيره لا
آه يارنا وش حال امك الحين
وش اقول لها
لارجعت وماشافتك معي بتنجن
آآآه يارب يارب اناطالبك ولالي مطلوب غيره يارب ريح اختي من عذابها يارب
تنهدخالد وضم رنا
خالد:رنا ليش تبكي يابابا
رنا:بابا خوذني معك مابي اروح معه
خالد:حبيتي لازم تروحي اناحفظتك رقمي صح
رنا:ايوه حفضته اقوله لك
خالد:قوليه
رنا:*******٠٥٠
خالد:ايوه صح ممتازه
وش قلت لك بعد
رنا:كل يوم ادق عليك واكلمك
واكلم ماما وقول لها انابخير
خالد:بس؟؟
رنا:امممم يو نسيت وقلت لي ما اضايق سعود؟
خالد:رنا اسمه بابا سعود
بكت وضمت خالد
رنا:ماعرف انت بابا هوه لا
خالد:رنا تبغيه يجيبك عندنا سوي كذا خلاص
رنا:خلاص
سعود:رنا قومي ياالله جدتك تنتظرك
خالد:سعودبعدالعصراذاسمحت
بمر
اخذها تزورامها ممكن
سعود: ساعه وحده بس بعدها ترجعها
خالد:جزاك الله خير
وراحت رنا مع ابوها راحت لبيت جديد واسره جديده ولاتدري وش مخبي لها المستقبل
،،،،،،،،،،،،،،
خلود الدواء المنوم هلكوهافيه
خايفين عليها من الصدمات
خبرها سند واظطر انه يكذب عليها قال ان خالدمعها وبتجي العصرمعه
خلود مو متطمنه حاسه ان الموضوع كبير وقعدت ع اعصابها تنتضر وقت زيارةالعصر
ولاهدالها بال الايوم دخلت رنا
محمله بهدايا
رنا:ماما اناجيت
خلود:ياقلب ماما انتي
وضمة بنتها وبكت
رنا:ماما ليه تبكي انا طيبه ومبسوطه هناك
شوفي جايبين لي هدايا
اناراح ازورك كل يوم
خلود:لايمه لايروحي لاتعذبيني زياده رنا لاتخليني
بكت رنا مع امها هي صغيره ومالها لاحول ولاقوه
وش بيدها تسوي خالد وصها ماتقول لامها المعامله الشينه الي لقتها فبيت ابوها من ابوهاالي من دخل البيت دفاها ع الارض ولامن مرت ابوها
الي كل شوي تشتمها
جدانها كانوكويسين معها
لاكن جبروت سعود يمنعهم يتناقشو معه سعود راح يعذب هالمسكينه لاتكلمو فضلو السكوت
شكت رنا لخالد لاكن مافي اي دليل يقدر يثبته ع سعود وصاهابالصبر
واشترلها هدايا عشان تريح بال امها انهابخير
خلود دريت ان سعود اخذ رنا
وعاتبت اخوانها ليش استغلو تعبها وخبوعليها موضوع بنتها
سند:ياخلود انتي الله يهداكي ماعندك صبر شوفي امي كل شوي ضغطهايرتفع معها من الي يصيرلك يابنت ارحمي حالك
خلاص هذا ابوها مصيرها ترجع لك انا اعرف سعود مو قد حمل مسؤليه واكيد زوجته راح ترفض وجود رنا بترجع لك بس اصبري
سكتت خلود كلامها لايودي ولايجيب خلاص دام المحكمه حكمت له خلاص بترضى بهالامر وحال رنا طمنها شوي
((مسكينه خلود ماتدري وش الي يصيرلرنا ولاتدري على الي ناوي عليه سعود))


=================
بعدمرور٥اسابيع استمرت الاوظاع على ماهي عليه
وماصاراي شي جديد
ورنا بين فتره وفتره تجي زياره لامها وفيوم دق سعود ع خالد يطلعها له هو ينتظرها برا
وجريت رنا بسرعه لانهاعارفه لوتتأخر ايش يصير لها
وهي تجري انكشفت ساقها لامها وانصدمت من الي شافته
خلود:رنا ايش هذا من سوالك كذا؟؟
رنا:سكتت
خالد:الاسبوع الي راح وديتها الالعاب وطاحت
رنا:ايه ماما اناطحت
خلود:والله انه سعود جالسين
تكذبون علي
رنا:مامالاتقولي له بعدين يضربني
خلود :والله ماراح اسكت له
لاتطلعي اناطالعه معك
ولبست عباته وطلعت لسعود
سعود:وينك ساعه انتضرك
خلود:سعود وش مسوي فبنتي
سعود:قصدك بنتي
خلود:والله مابخليك والله لارفع قضيه ووريهم ضربك خاف ربك ياسعود خاف ربك
سعود:لاه قالت لكم هين انا بشوف شغلي معها
خلود:ان مديت يدك مره ثانيه راح تندم سكت كثير والحين ماراح اسكت
ماراح اسكت ياسعود سامع
سعود:قدها ياخلود
خلود :قدها ياسعود
والله معي
سعود:يصيرخير اعلى مابخيلك اركبيه
ومشى ورنا معه
دخلت خلود تهدد وتتوعد
والكل شاط غضب على سعود ماتوقعو تاصل فيه الامور يمد يده ع بنته ويعذبها بهالشكل
وانصدمو ان خالد عارف كل شي
وكان كل مره يتهاوش مع سعود وبحكم واسطه سعود يطلع منها مثل الشعره من العجينه
وبعدمارفعو قضيه انصدمو بالخبر الي وصلهم سعود نقل بأهله لمنطقه بعيده حسبها صح
دمر خلود وذبح رنا وحرمها من امها وخوالها حرمها من ابوها خالد
خلود:حسبي الله عليه حسبي الله عليه حسبي الله عليك ياسعود الله لايوفقك الله يسلط عليك من لايرحمك
ام سند:يايمه لاتدعي ع احد قولي حسبي الله ونعم الوكيل
خلود:آآآه يايمه يارنا خذوكي وحرموني منك حسبي الله ع الضالم
ام سند:لاحول ولاقوة الابالله
خالد يايمه وش سويتو معه
خالد:يايمه مو لاقيين له اثر كن الارض انشقة وابلعته
خلود:ياويلي عليك يابنتي ياويلي عليك يايمه راحت بنتي راحت يايمه راحت واغمى عليها
وخذوها لطواري انهيار حاد
ضلت منومه يوم كامل وامها تنومت عندها
وبعدماصحت سألت عن بنتها تبي تتأكد الي شافته صدق ولاحلم
دموع امها كانت كفيله انها تثبت ان الي شافته صدق وواقع واقع مالها مفر منه ضمت امها
والكل يبكي
خلود:يايمه ابي بنتي تكفين يمه ابيها
ام سند:استهدي بالله يايمه ادعي ان الله يحنن قلب ابوها عليها
خلود:سعود ماله قلب ماله قلب يايمه
ام سند:خلي ايمانك بالله كبير
خلود:والنعم بالله
ومضت ايام واشهور وبعد ٤اسنين دق جوال خالد
خالد هذا الرقم ازعجني له فتره يدق واذا دقيت مايرد
ام سند:رد الحين وشوف
سند:عطني انا ارد
سند:الو
:بابا خالد
سند:رنا؟؟؟؟؟؟؟؟
:باباخالد ايوه انا رنا
خالد وخلود يتهاوشو ع السماعه وسند يبي يحكي معها بس خلود اخذته منه
خلود:يمه رنا اناماما يايمه كيف؟ وماقدرت تكمل وبكت
رنا:ماما لاتبكي اناطيبه اناعندجدوه عايشه هي اخذتني عندها
خلود:يمه شلونك كيف صحتك
رنا:ماماوالله انابخير
خالداخذ السماعه
خالد:الووو رنا
رنا:بابا خالد وبدت تبكي
ونزلت دموع خالد
رنا:بابا خالد تعال خوذني اناما ابغا اعيش هنا
خالد ماحب يشغل بال امها وغيرالموضوع دامه حصل لها رقم خلاص كذا يقدر يتواصل معها
خالد:رنا هذا جوال مين
رنا:جوال جده عايشه
خالد:ومن اعطاكي اياه
رنا:هي اعطتني اياه اناقولت لها اني اعرف رقمك وقالت خوذي دقي
خالد:وابوكي يادري
رنا:لالا مايعرف لو يعرف يضربني
رنا:باباخالد لازم اسكر اكلمك بعدين
(وجلست تكلم الي جنتها)
وخالد خاف يكون سعود كشفها
رنا:باباخالد جدو عايشه تقول لاتتصلو انا اتصل خلاص
خالد:ليش
رنا:عشان بابا مايشوف رقمك بعدين يضربني
خالد:خلص يابابا كلمي ماما وبعدها قفلي وروحي نامي
خلود:رنا
رنا :ايوه ماما
وكلمت خلود رنا وضمت خالد تبي تشكره لانه حفظ رنا الرقم وعلمهاكيف تستخدم الجوال كانت تبي تشكره بس ماقدرت تعبر عن الي بداخلها وبكت
وانتهى هاليوم
وبعد مرور٨سنوات
رنا كبرت واصبح عمرها١٨سنه اخر سنه ثالث ثانوي ادبي
طبعن طول هالسنين ماشافت امها توفت جدتها عائشه الجده الحنونه الي عوضتها عن كل شي
ورجعت رنا لبيت سعود لتعب النفسي والمعامله السيئه من مرت ابوها
تنام مع الشغاله بنفس الغرفه
الشغاله تحن وتعطف عليهاكثير
تتواصل مع امها بجوال جدتها ابوها مافقده وراح عن باله كانت تخفيه عندالشغاله
وفيوم حفل التخرج كل بنت جابت امها او عمتها الارنا ماكان معها احد لام لاعمه ولاخاله
وعندتسليم الشهاده بكت
وبكى كل الحضور
،،،،،،،،،،،،،،،،،،،

هذي تراها قصة(ن) من واقعا" ماهو خيال

أقولها نيابه على ذمة ترى من قالها،،،


كتبتها حقيقة يومن جاء ليه مجال

مأستها بنت(ن) وهي تبكي شكت لي حالها،،،،

طلق ابوها لامها وهيه صغيره لاتزال
بسباب هرجه حسبي المولى على من قالها،،،،

وعاشت برائاة الطفوله بين أم وبين خال

(ل )درجة تقول يايبه لاحد خوالها،،،

ولأم لجل بنتها تحملت كل الثقال

وتحملت هرج البشربقفايها وقبالها،،،،

و(ل)أبو تزوج وخلف له بنات وله عيال

ولاسئل عن حالها ولي بعد يجرا لها،،،

حتى بلغت سن العشر ودخل مع انسابه جدال

يقول ذي بنتي ونا بتربيه أولابها،،،،

وفعلا" أخذها ومها تبكي وهي تبكي بجال

ولأم حالتها بعدها حالتن يرثالها،،،،

الأم صارت بالجنوب وبنتها في الشمال

ولاتعرف عن أمها سوى رقم جوالها،،،،

ستت اسنين ماضيه ولوضع باقي لايزال

شوف القلوب القاسيه المقفله بقفالها،،،،

وليوم كبرت وصبحت كنها بدر الكمال

حفل التخرج (ب) الثانوي ماحدآ حضره اله لها،،،

تقول أنا ذقت اليتم وأبوي حي ولايزال

واصبحت ضحيت خلاف أمي وبوي أبطالها،،،،

شعر:رشيد عنيزان الهرفي البلوي
(ابو يوسف )


،،،،،،،،،،،،،،،،،،،،،،،،،،،،،

رساله
*لكل أب قاسا" اتق الله
*لكل ام او زوجة اب متسلطه اتق الله فا الله يمهل ولايهمل
*الى من حرم ام من فلذات كبدها اتق الله
*ابنائكم امانه تسألون عنها يوم القيامه
ستقف بين يدي الله وتسأل عنها هل حافظة عليها؟
ااديت الامانه ع اكمل وجه؟
********************
ختمت القصه على مستقبل ومصير
مجهول
لايشعر به
الامن كتبت لااجلها هذه الاالقصه
فهل يفيق
الاب
من سباته
؟؟؟؟

حقيقه ماكنت ابي اختمها هكذا كنت حابه ادمج معها قصه الطفله رنا الي قتلها والدها وزوجة ابيها بعد ان حرموها من امها
توفت بين يدي ابنت عما" لها في مثل سنها كانت هي الوحيده التي تحضرلها الماء والحلوى عندما يعذبها والدها ويحبسها


طالت الرحله وانا الي من مكان اليا مكان

هقوتي بين النجوم ولاتجي من دونها

وعقب ما اسرجت الخيول الصفر واطلقت العنان

اخنقتني كل عبره بيحت مكنونها

والله اني كل ماالمح صورة الطفله رنا

اتهجى كل سر الي حكته عيونها

كنها كانت تقولي إن الزمن ما به آمان

وكنها كانت تغض عن ا لقريب طعونها

كنها كانت تقول إن العشر صارت ثمان

في حياة ما عرفنا شكلها مع لونها

كنها تسألني ليه الدم طيبة يستهان

وكنها يوم سألتني عيشتني كونها

وقمت أردد بين نفسي آه من غدر الزمان

ومن هو إلي لبس اهل الورد بيض كفونها

من قتل فيها البراءة والطفولة والحنان

من هو إلي للأمانه مؤتمن ويخونها

ومن هو إلي في مغيب الشمس وضياها مدان

ومن هو إلي زود الأحزان بي مخزونها

هو صحيح الموت حق وغير رب العرش فان

بس الأجدر نحفظ أرواح البشر ونصونها

ويا عسى مامر درس ويريحك ربي رنا

ويشفع بكل من على الفرقى بكتك عيونها

لم يتسنى لي معرفة اسم كاتب هذه الابيات
********
شكر خاص
*لوالدي ووالدتي حفظهم الله
*اشكر قناة بداية هذه القناه الهادفه والرائعه نتمنى لهم التوفيق وجزاء الله خيركل القائمين عليها
* اشكر عمي ابو يوسف رشيدالهرفي لتفاعله مع القصه الف شكر لك ياعمو
*اشكر اخواني واخواتي وكل من ساندني وشجعني
*اشكر أخواتي رحيل وأختي نور الله يكفيني وأختي طالبة الريان
لكم كل الشكر مني
جمعني الله بكم في جنة الفردوس
***************
سبحانك اللهم وبحمدك نستغفرك ونتوب إليك
***************
تمت بحمد الله