من يحب ،،،، امه،،،،يكتب لها كلمه..

{ وشـلـون أدوس الأرض وأنـتي تـحتهـآ }

نسأل الله ان يرحمها ويجعل منزلتها الفردوس الاعلى من الجنه
شكرا على المرور

لو طلب مني كلمه لاي موضوع أخر لما إحتارقلمي بتعبير عنه ...ولكن عند الام تعجزان تفيها أحرف اللغة حقها
فأسعد الله قلبك أمي الغالية وجزاك الله العلي القدير سعادة وخير الدنيا والفردوس الاعلى بالاخرة..
شكر لك أخي

يمه فديتـك مـن همـوم الليالـي
يمه عسى ما شـر شفتـك تونيـن


يمه خذي مالـي واخـذي حلالـي
يفـداك يـا يمـه وأنتـي تعرفيـن


يمه تـرى منسـى خيالـك قبالـي
يمه خيالك مسكنـه داخـل العيـن


إليا سمعت الصـوت ينسـر بالـي
وانسى هموم الوقت وانسى الدواوين


يمه ترى الجنـه معـك والمعالـي
يمه قدم رجلك أحطه علـى العيـن


أذكـر زمـان اول وانـا فالدَلالـي
أذكر تعبتي معـي وانتـي تربيـن


من كثر ما ركض من يمين وشمالي
واتعبك ما همي سوى اللعب تدريـن


وتقولي اجلس يـا وليـدي ومالـي
وانا مع الشارع ولعـب الوراعيـن


احيان اقول إنـي صغيـرٍ وسالـي
العب مع الجهال لعـب الشياطيـن


يوم اتذكر وش جرى فـي خيالـي
مدري عن الأيام وشلـون تمشيـن


يوم إني اكسر خاطـرك مـا ابالـي
ما همنـي يمـه صغيـر ومسكيـن


واذكر زماني يـوم اشـق الريالـي
يوم الهلل والقرش يسوى الملاييـن


يا حسرتي يا وقتي اللـي مضالـي
يومن اشوفك طول الأيـام تبكيـن


مدري مـرض ولا همـوم تصالـي
مدري تعب مدري كثر ما تحسيـن


يمه عسى روحـي وحالـي ومالـي
فدوه لدمعـك يـوم للدمـع تخفيـن


يمـه لـو الأيـام تشـرح سؤالـي
سألت أنا الأيام وينـك وانـا ويـن


وسألت دمعـك يـوم بـل الشيالـي
يا دمعة تسـوى كنـوز السلاطيـن


وسألت حر الشمس ويـن الظلالـي
وسألت قمرى الليل ما نورت زيـن


يمه أبي منـك السموحـه ولا لـي
مطلب سوى تعفين عني وترضيـن


واخذي مـن الدنيـا ودوك العيالـي
أنتي لنـا الراعـي وحنـا رعييـن


وستأذنك وقتى تـرى مـا صفالـي
ادعي لمن ضاقـت عليـه الفلاتيـن


ادعـي لمنهـو بيـدتـه الليـالـي
عسى زمان راح يرجـع وترضيـن


وصلاة ربـي عـد رمـي النبالـي
على نبـيٍ وضـح الحـق والديـن


راقت لي فأهديتها لامي

اشتقت لك بالحيل
يايمـــــــــــــــه

ســـــــــــــــــــــــراب

يارب أرزقني رضاها

ورجّعها لي

احد الابناء كتب الى امه هذه الابيات
بعد ان ابعدته ظروف العمل وطلب المعيشه عنها وعن القرب منها
فاصبح لا يراها الا بالاجازات
فمن حبه لامه تمنى ان يكون طير
ثم رجع واعترف ان ماكل مايتمنى المرء يدركه
اليكم الابيات
يمه صباح الخير يمه مسا الخيـــــــر يمه عساك ابخير صبح او مسيه
يمه غبطت لطير ياليتني طيـــــــــر واطير مثله بالسماء واهنيـــــه
مشان اجيك الصبح والظهرواعصير اوفي ببعض احقوقك اللي عليـــه
لكن التمني غير واللي حصل غيــــر والامر للي عالما كل نيــــــــــــه

والامهات حقهن كبير كبير
نطلب الله ان يعطينا رضاهن

الله يشفيها لي يارب ويشفي مرضى المسلمين ويبلغني برها