هذي القصيدها الشاعر رجا اللوط

هذا بنات اليوم برقـع وجـوال = ولاعبايـة كتـف هـم يلبسوهـا
والراس فوق الراس طرحه مع الشال = حتى الخصال الطيبة افقدوها
يوم البنات اللي غدٍ سبت اهمال = ويـوم السبايـب اهلهـا هملوهـا
الأم نامت والابو صار تمثال =والبنت راحـت ويـن مـا يسألوهـا
بالليل تسهر بين هاتف وجوال =والا علـى دش الفلـس سهروهـا
اقفاي هي ما بين الاسواق واقبال =بلا غرض راحت ولا انشدوهـا
اللبس تلبس كل ما يطرب البال = وفلوس لو تنقص عليهـا عطوهـا
من شافها باللبس يا ساتر الحـال =يسبهـا ويسـب مـن خلفوهـا
كومة لحم وعيون والرمش قتال =ويلا مشت كل الشبـاب اتبعوهـا
هم ما دروا لون البراقع بتنشال = ونشوف وش تحت البراقع خفوها
يرتاح من صابه من اسبابها هبال=ويشوف والله من عيونه هووهـا
وين البنات اللي بهم تضرب امثال=ليت السلوم الطيبة ما تركوهـا
البنت زين البنت لا زانت الحال =ما هو بلبس ولا علـوم خذوهـا
وين المراجل ما بقى غيره ارجال =ليت الشوارب واللحى حلقوهـا
اللي على عاره رضي الذل ينقال =ليت الكرامـة ليتهـم يرفعوهـا
ما عاد ينفع قول فيهـا ولا قـال = لا الأم والله ولا الأبـو انفعوهـا
اصبح ضياع البنت بسباب جوال =البنت ضاعت والأهل ضيعوهـا

إبـراهيم سليمان اللوط ..

قصيدهـ ذات معاني فريدهـ .. لك القلب لاتحافنا بها

ولاتبخل علينا بمثل هذهـ الدرر ..

سلمان العرادي

قصيده رائعة وصح لسان الشاعر رجا اللوط

ومشكور ابراهيم على حسن الاختيار


احمد عبدالله البلوي

السلام عليكم ورحمة الله وبركاته
يعطيك العافيه اخوي ابراهيم بس لو وضعتها في مكانها
في قسم الشعر الخاص بقبيلة بلي لكان افضل

السلام عليكم ورحمة الله وبركاته

ابراهيم سليمان اللوط صح لسانك ولسان الشاعر رجا اللواط

قصيده رائعه فيها من الحكمه الكثير
اللهم احفظ بنات المسلمين

دمت بخير

ابراهيم اللوط صح لسانك ولسان الشاعر رجا اللوط
قصيدة جميلة
ننتظر جديدك