خويتي

بعد المطر يا سليع وش لون حالك= بشر عن أخبار الضمى والخميله

عسى الرببيع يزيد روعة جمالك= من قبل لحيانه إلى أبو نجيله
لا واهنيك ماشغل الوقت بالك= ولي نزل بك ما يهمكم رحيله
كم شيخ قوماً شب ناره بجالك=راع الرغيه قبل راع الكحيله
مثل الملوك الي تدير الممالك=وعيونهم برق المراجل تخيله
من فعلهم صار اصعب الدرب سالك= ومن بعدهم بانت علوم القبيله
اخفت معالمهم سوافي إرمالك= وتاريخهم بيرق براس الطويله
جيتك لحالي وانت واقف لحالك= جيت استعيد الذكريات الجميله
ايام كنت اسرح واقيل شمالك = وخويتي عني زهابي تشيله

الاخ السرحاني اسعد الله أوقاتك يالروعة هذه الأبيات وهي غير مستغربه منك بالنسبة لي ولكن اعرف انك لست الوحيد العاشق لسليع فقد قال احدهم
يامل قلبا لشفت اسليع------ تذكر اللي مضى كله
ايرجع اللي مضى ترجيع----- الفلم يطويه ويفله
كم قلت له مامضى مايريع-----انساه ويقول لابله
قلب الشقا عاصيا مايطيع-----يارب تهديه وتدله

تقبل مشاركتي ولك تحياتي