كانت تطلب مني داااايما اتصل واسولف وتطلب ارسلها مقاطع صوتيه وكنت ارسلها اناشيد بصوتي وتلاوات او اقرى لها عن فضل الصبر(وصلت مقاطعي لها اكثر من عشره مقاطع)
وهذا بعض كلامها في رساله بعد ما ارسلت مقطع صوتي
(اقسم بالله انك لطيفه معي وانك ماقصرتي معي واقسم بجلال الله اني احبك بصدق واخلاص متناهي ولو اقدر خبيتك عن الناس جوات صدري احبك احبك احبك يا اغلى انسانه والله قلبك ابيض وكبير
انا اكره امي
واحبك لقربك مني
احبك لصراحتك ولثقتك و وفائك
احبك لجراتك ووضوحك احبك لاشياء كثيره
احبك لاخوتك ومواساتك لي وتخفيفك عن اختك
ونصحك ورحمتك وحنانك وعاطفتك واخلاقك
ولكل شي فيك
غاليه وليس لي عنك بديل سنبقى مع بعض

((((( هذي بعض من رسايلها كلو كلام من تاليفها
والله يفتت الحجر... ولو تشوفوا رساله وحده من رسايلها والله ترتيب في الكتابه والمسافات حتى الاقواس
....عندي خمس ميه رساله لها بس في جوال واحد غير الجوالات الثانيه))))

وهذي الابيات ارسلتها تعبر عن فرحها باتصالاتي ومقاطعي
ياعذبة الالفاظ زيدي واسكبي
وتخيري حلو النشيد واطربي
وتلطفي فالقلب اعياه الظما
داوي جفاف عروقه وتطببي
كم من مساء بت ارقب طوله
وكانه شبح يغير بمخلب
ابدا براثنه وكشر نابه
ويكاد يقتلني بصوت مرعب
فاتت الي(صابرين)هي راحتي
هي توامي وحبيبتي هي مطلبي
انا مارايت شبيهة (لصابرين)
من ذا يشبه شمسنا بالكوكب؟
ملات علي فراغ وقتي وارتوت
مني العروق بلفظها المتحبب
سكنت فؤادي(مها)فصارت ملكها
فمري(مها) وانهي وقولي واطلبي

****
كنت دايم ارسلها رسايل دعاء او تذكير بجزاء اهل البلاء
والله كنت اناديها اختي
قاتلي بيوم ليش مانقول لبعض ياحبي ياحياتي يا انفاسي والله احتاج لهذي الكلمات ياصابرين
والله ا ن امي ماعمرها حتى قالتلي يابنتي
قلتلها ابشري والله كانت تفرح فرح مو طبيعي بها الكلمات ولما ارسلها وسايط ايش اقول بس تعبر باسلوب مدح جمييييييييل جدا
رغم اني مو مقتنعه بلكلمات هذي ولا عمري قلتها لاحد
بس دام تفرح مها تفرحني ( لان مها وضعها خاص)

****
قالتلي بيوم ان اخوها مخلي لها اشترك بالنت مفتوح ويرمي عليها بطايق الشحن (قالت اخوي يعرف وضعي ويآئس من شفائي و زواجي عشان كذا يشفق علي واي طريق اسلكه مايهمه)

وفي يوم خلص شحني وحولتلي ميه زعلت مره قالت انا مابغاك تغيبين عني ولا ثانيه
والله شحنها يخلص فيها الميه تخلص في ثلاث ايام بس
وشحنت ليا وشحنت حتى وصل شحنها 3 الاف

كنا نصور لبعض اغراضنا اذا اشتريت بلوزه شنطه أي شي اصورو لها
وهي كمان عندي صور حتى لفطورها وقهوتها
صور لغرفة نومها وحوشهم وسيارت اخوها
صوركثيره لبيتهم من جوه
صور لاحمد
صور لبلايزها
صوره لطقم الالماس وساعتها وساعة اروى

****
في يوم كنت اراسلها واحس رسايلها تتاخر سالتها قالت ان اخوها و امها عندها( طبعا ما كانوا يعرفوا بتعارفنا)
قامت ارسلت وقالت انا الان تظاهرت اني ابي الحمام يلا خلينا نتراسل شوي
قلتلها لا مها ارجعي عند امك و اخوك ذلحين يشكون
ماردت
ارسلت
ماردت
استنيت شويا الا الجوال يدق
اطالع رقم مها؟ مين؟ عمرها مادقت ..كيف وهي ماتتكلم؟
فتحت الخط وانا ميته خوف سكت الا صوت رجال
الو السلام عليكم
وعليكم السلام
انا اخو مها مين انتي؟
قلت انا صحبتها
قال كيف كذا؟ مها انسانه مريضه واصدقائها محدودين
كيف تعرفتي عليها
قلت من الشريط
وقال ايش هذي الصور؟ قلت صور اغراضنا عايدي حتى انا صورت
قال انا همني اختي عائلة الناصر
حتى سريرها مصورته لاحول ولاقوة الابالله
بعدين قال بسالك مها صورت ملابسها الداخليه؟
قلت اكيد لا ايش هذا السؤال؟
(كنت افكر دايم في كلامو واقول كان اولى يقول صورت مها نفسها مو هذا لسؤال البايخ
(كنت افكر وانسى)
المهم كانت مكالمتو طويله وسال عن اسماء اخواتي وقال من هذولا قلت اخواتي قال طيب خليني اتاكد
والله دق على كل وحده وسمع اصواتنا
ورجع دق علي وقال انا آسف الشيطان وسوس لي كنت اظنها ارقام شباب
بس رجاء اتركوا مها مها مريضه وعندها عمليتين
وحده بعد شهر والثانيه وهي خطيره جدا عمليه في حلقها بسبب ان الصمام يفرز صديد
والله بكيت وتناقشنا كثير واصر على منعنا من مها واخذ الجوال عندو لايام
كنت اترجاه برساله يرجع الجوال بمها وكان يرد بهذ الاسلوب لدرجه حسيت انو انسان ماكمل تعليمو
(مها.مرضاه.اتر.كو.اختي.عنده.مو اعيد.وعمليت.في.المست شف.)هذا اسلوبو في الكتابه
في النهايه قال اختي متعلقه فيكم راسلوها وخذوا راحتكم
اختي متاثره بفقد اخواتها اروى وليلى خصوصا اروى
تحسب بس هي فقدتهم كلنا فقدناهم
بس ابيك تحاولين فيها على شيئين الاول
ترجع تجلس مع ابويا مثل كل صباح والله ابوي يتاثر من وحدتها وحالها
والثاني انها توافق يجي الشيخ يقرا عليها
وهي حريصه جزاها الله خير تلبس عبيتها وشرابها وقفازها وتخلي يقرا من ورا الشرشف
لكن رفضت تستمر فحاولي معها وهذا لمصلحتها
وياليت تحاولوا تجو الرياض تزوروها
وجزاكم الله خير
قلت بإذن الله احال معاها اما الزياره فوالله موبيدي
كانت تقولي ياليتني اكون اختك الشقيقه ياصابرين
نفكر مثل مايفكروا فيه بنات سني في الفساتين والازياء احسب فجوه كبيره بيني وبين البنات
قالتلي مره ياليتني جوالك ياصابرين
ليتني خصله من شعرك
ليتني مشطك
ليتني مناكير على اظافيرك
ليتني كريم على ذراعك
.....

كانت تقولي نذر عليا ياصابرين احضر زواجك ولو محموله
قلت لها: وانا بإذن الله احضر زواجك
قالت انا مالي حض من الزواج خطبني سليمان قبل الحادث وبعد الحادث راح
وحكتلي عن غيرتها من بنات خالتها وغيرتها من روحت امها لهم وهي احوج منهم لامها وحكتلي عن زواج ريم وقالت حتى مافكرت ترسلي بطاقه دعوه لزواجها هما يعرفوا ماراح احضر بس ما ارسلت ولوجبر خاطر
وارسلت ابيات كتبتها عن ريم....
مها الناصر تقول :
(الى ابنت خالتي العروس ريم وفقها الله)
قالت:خطبت تقولها متفاخره
وغدا سياتي دور اختي الصابره
وغدا سياتيك الخطيب كفارس
او راكبا سيارة او طائره
وغدا سنفرح كلنا بزواجها
ونرى بنيها سادة ودكاتره
وغدا سينسى الناس كسر ضلوعها
وجروحها ودموعها المتقاطره
اتقول ذاك شماتة؟ والله قد
علم الخفي من المقال وظاهره
انا رضيت بما الاله اراده
من ردت الاقدار بنت خاسره
حمدا لك اللهم حمدا طيبا
ارجو الثواب عليه يوم الاخره
فإن ابتليت فقد كفيت مصائبا
انعام جودك لم تزل متواتره
لكني ارجو واطمع في الشفا
واليك ارفع حاجتي متصاغره
ان تجبر العظم الكسير فاني
لا استطيع مع الشتاء مصابره
واغفر(لاروى) والحبيبة اختها
(ليلى)فان قبورهم متجاوره
واجمع(مها) بهما بدار كرامة
فيها وجوه ناعمات ناضره
انا لست اطمع في الزواج وكيف ذا؟
والصدر مني قد لواه دكاتره
انا لست اطمع في الزواج وكيف ذا؟
والعظم مني قد شكا لجابره
انا لست اطمع في الزواج وكيف ذا؟
وانا الكسيره غير ان شاعره
انا لا أأمل في الحياة سعادة
( لكني ارجو ثواب الآخره)
هم ويغرس في اظفار البكا
ولو استطعت كسر منه اظافره
****
قالتلي مها
اسمعيني صابرين
اصاباتي بسبب الحادث هي
صمام دايم بسبب التوى الحنجره
وكان هناك سواد في رقبتي نازل الى كتفي بسبب تمزق بعض الشرايين وانحباس الدم والحمدلله بدا هذا السواد بالاختفاء
اعيش بثدي واحد
كسر في عظام الصدر (لا ينجبر) وكل 8 اشهر اسوي عملية شد اسياخ
ضمور في رجلي اليسرى ولاامشي الا بعكاز
وبمساعدة شريفه حتى بدخولي للحمام( اعزكم الله)
واستحمامي احتاج لشريفه
واذا صعدت درجتين فقط كاني اصعد عماره من تسعين طابق

صابرين انا بعد اسبوع باسوي عملية شد اسياخ والله انها مؤلمه وخطيره
بكيت كيف اقدر اصبر على فراقها وان ليا اشهر ارسلها كل يوم؟ غير خوفي عليها وان العمليه خطيره
هدتني وقالت راح اجلس شهر في المستشفى وعندي لك خبر يفرحك
ابوي واخوي في ايام عمليتي بيجون عمره وبيمرون عليكم كلمتهم يوصلون لك بعض الاغراض
الشايب اللطيف ماعنده مانع مع استغرابه
واخوي موافق وامي ماتقدر تنطق بحرف

...فرحت جدا بهذا الخبرحسيت العلاقه بتكبر اكثر خصوصا اذا اخوها تعرف على اخواني يعني في امل اشوف مها...وطلبت رقم اخويا عشان تعطيه اخوها وطلبت وصف البيت اعطيتها العنوان والرقم كلمت اخويا بالموضوع ماكان يعرف بالقصه(والله صارت ليا مشاكل)......
قالتلي مها ايش بتجبيلي هدايا يا صابرين ؟
قلت مفاجئات
قالت من السوق ؟
قلت ايوه
قالت لا تكفين ماابغى شي من السوق ابغى شي من اغراضك انتي
مشطك ..طرحتك..عطرك.. ملابسك أي شي يخصك
قمت اتصلت قلتلها ليش يامها ايش تبغي با اغراضي اخاف تتعلقي فيا وتنسي صلاتك وحفظك للقرآن
والله في هذي اللحظه سمعت صوتها وهي تبكي والله ما انسى الصوت
صوت حشرجه وصوت حدايد
قفلت الخط على طول
ارسلت
ارجوك صابرين ارجوك ترسلي شي من اغراضك ما ابي اغرض السوق انا ما اخرج ولا احد يجيني
ولو ابغى شي من السوق اخوي ثري وعنده 3محلات
ارجوك فكري في الموضوع زين
طبعا من غير تفكير الا بالعواطف
وافقت فرحت كثير ووعدتني ترسل اغراضها ودفتر بخط يدها
جا وقت الوداع ودعتني لاجل عمليتها واستودعتها الله...

( تذكرت )اليوم الثاني من وداع مها خرجت وحده ع الشريط وكان لقبها فصفص تكتب اشعار بالغة العربيه وتطلب من وحده السماح والاعتذار(حسيت انها صديقة مها جئت سبحان الله كانوا صديقات مها الباسقه وجئت يتكلموا باللغة العربيه زيها ويحب الشعر بالغه العربيه) دخلت الشريط وراسلتها سالتها انت جئت؟ مها تحتاجك مها في المستشفى؟
قالت من انتي؟ انت قريبة مها وش فيها مها؟ قلت انا صاحبتها تعرفت عليه من الشريط زيك...
مها عندها عمليه روحي زوريها في المستشفى
قالت مااقدر اخاف الاقي امها
قلت ماعليكي اهم شي تفرح بك مها والله تحبك
قالت بس امها #طردتني # الله يهديها المهم حاولت فيها...

انتقل لموقف ثاني واهم آآآآآآآه
******