خلــــــــــــك صــبــور ..@

ماباس ياللي شاكي الهم لاباس = كم واحدن بالحيل يشكي عذابه
لاتجرها بالحيل هون بالاقواس =هون عليك الحيل وارخ الربابة
ماكل من هو ناضمن ينضم الماس = ولاكل طراقن اسهيل اقتدا به
قصرن بليا ساس بنين على اطعاس = مثل الذرى بالخيش عجلن خرابه
والادمي بدون مبداه واحساس =لاخير به كهلن ولابي شبابه
ماكل منهو حام بالجو قرناس = ولاكل من يرمي هدف حق صابه
لاتصادق الا راعي الطيب والساس = الهام لو هو لان يدميك نابه
واللي رسخ دينه على علم واقياس = عدلن تقين مبحرن في اكتابه
والمسلم اللي يسلموا شره الناس = الخير مبدى سيرته واحتسابه
الادمي لحمن او دمن على انفاس = اليا تلوث ينقلب ذيب غابه
لونك جمعت اطويق واجبال الاوراس = قبلك جمعها من براسه صبابه
دوك الجبال اللي على اسهيل جلاس = مد النظر ياتيك خاسي سرابه
والمال له منفق وله ناس حراس = يموت ماله كود جمعت احسابه
وهناك ناسن ماتفكر بالافلاس = امكرمن ضيفه اويستر قرابه
واهناك ناسن تصنع الشر وانجاس =لوهو كثير المال سايل العابه
واهناك ناسن فرقعت صوت كنداس = حلو اللسان او لايشرف جنابه
وهناك رجلا في شبر مي ينحاس = متشيطنن في سيرته والعمى به
وهناك همازن لمازن او لسلاس =الخير ضده وان لقى شر جابه
واهناك مثل اكحيل تلال الامراس =من فوق حمله حمل غيره قوى به
واهناك من به ميع عذبات الانفاس =ودك عليه اتشد حد الحرابه
واهناك من هو بس جوال والباس =علم الرجوله حالفن مادرى به
ترى الردي اليا انكسر كسرت الكاس =لونك اتداوي مايفيد الدوى به
ماكل من يلمع ذهب ممكن انحاس =الماس غالي والبحر دون بابه
رجلك اليا سجيتها فوق غسغاس =لوهي دمت اصبر اولابه غرابه
خلك صبور الظيمها وارفع الراس=ماقدره ربك على حرف جابه
المجد ماهو هين الكل دراس =دونه شواليقن صعيب اكتسابه
يامن اعيونن دون مسراه نعاس=كم ضيغمين فيه تلت اشنابه
لو دست مرقاته ترى يومن اداس=احذر تخاف ابيوم ينعق اغرابه
لو قطعتك ارماح واسيوف وامواس =ارسي كماترسي ثوابت اهضابه
واصبر على دنياك لوشرها قاس =مرن سقتك اياه يامرحبا به
اركز مثل قسيون واجبال مكناس = واحفظ احقوق الجار او حق النسابه
والخاتمة صلوا على هادي الناس = المصطفى او سلام على الصحابه

الشاعر الكبير بعطائة
شهان النود
غازي بن معيصير

قصيدهـ فيـ قمة الروووعهـ

صـــح لسانـــك
على الدرر الثمينهـ

أخي العزيز

حروفك عميقة ودقيقة

وأجمل مافي البوح صدقه

ويبقى ..

لا شيء .. وكل شيء

أبدعت ياغالي

شكراً لكَـ على إمتاعنا

واعذر عبثي

فحرفكـ هو من حرضني

لا عدمناك

دمتَ بود

،، احترامي ،،

ناصر بن طليحه

شهان النود
غازي بن معيصير
صح لسانك
قصيدهـ فيـ قمة الروووعهـ

..اذا كان للابداع اسم فيجتمع في اسم واحد ...



........هــــــــــو ........


....شيــــــ ( النـــــــــود ) ــهان .....

سيدى الفاضل

شيهـــــــــــان النود

مشاء الله عليك

إبداع في إبداع في إبداع

سيدي الفاضل

هذا القلم انت أحد الأقلام التي أبحث عنها لكي

أرتوي من إبداعها و أرتقي برقي بوحها

مهما قلت

و

مهما وصفت

و

مهما مدحت

لن أوفيك حقك فأنت تستحق أكثر من ذلك بكثير

أدام الله هذا الرقي والتواجد

أسجل إعجابي هنا

أخوك/تلميذك

محمود الجذلي