العاب رمضان ايام زمان

الله يا زين ايام زمان ذكريات حلوه مرررره
لا فيه بليستيشن و لا موبايلات كنا و حنا صغار نتجمع و نلعب العاب حلوه
و جميله من البيئه حولنا نلعب سبع احجار و مقطار و كيرم

نلعب ماء و ثلج و غميمه و شرعت وبعضهم يسميها طيري

من الالعاب المونوبولي و هي تعتبر متطوره عند بعضنا

نتجمع العصر ونسولف و اكثرنا ما هو صايم لكن يسوي نفسه صايم
و تشوف براطمه حمر من شرب التوت

انا كان احسن شراب عندي القمردين
و كنت اسرق من البيت و اكله اكل و كانت امي تناديني و تهاوشني

يا ولد لا تخلص علينا القمردين خلنا نموصه لك بماء و تشربه

ايييييه ايام حلوه كنا نحتي بس من عنده عزومه حتى نتجمع و نلعب

و نتفرج بعد العصر على قرانديزر و اذا خلص تلقانا بالشارع
بس ياااع يااااه يووووه نكسر بعض نقلد قرانديزر
لكن انا كنت حاقد على دقفليد احس ان كوجي احسن منه

و نتسمع متى يدق المدفع و ياذن المذن حتى نركض نعلم اهلنا اذن اذن اذن
و على طول على السنبوسه و الفينتو

وقتها ما طلعت سنبوسة الجبن و التونة

و تلقانا ما نكمل فطور الناس تفطر و حنا بالشارع مهاوش و مطارد

اما بعد العشاء نتفرج على المسلسلات التاريخيه ثم نطلع بالشارع بسيوفنا الخشب
و نكسر بعض مصدقين نفسنا و حرب مع عيال الحارات الثانيه

يا ما تفلقنا و احسن لعبة عندنا بالليل لعبة النجوم و نسرق سلك جلي المواعين
و نحرق به و نلفه على شكل دويره و نولع بشوش بعض

و البنات ما عندهن الا لعبة طيري و حقرا بقرا


اييييه ايام حلوه خربها البليه البلا ستيشن


و كل رمضان و ذكرياتكم حلوه

و اللي عنده ذكريات

يبطحها هنا

اقول لا تكون من جيرنا قبل اذنونا بسلك المواعين كل يوم ماسك بشوشه وحده من البنات ومحرقها
جميل أان يكون للانسان ذكريات مثل ماذكرت والله فقدنا اشياء كانت في قمه الروعه والبساطه ولكن نقول لكل وقت اذان وهذا وقت البلاي ستيشن

اللي يلعب طيري بعد الصرفه البنات فقط ممنوع إصطحاب الاطفال

شكراً لك أخي الكريم

ذكرتنا بالأيام الحلوة
،،
كل زمان و له ذكرياته
،،
و كل عام و المسلمين بعزة و تمكين

يعطيك العافيه
ايااااام كانت حلوهـــ

الله يعطيك العافيه

تأبط شرا



لك الشكر من القلب على هذا الاسلوب القصصي الجميل والطرح الرائع


ذكريات والعاب لها نكهتها في الماضي و إلى الآن حينما تتذكرها