المصالح

بسم الله الرحمن الرحيم

اخواني ماتلاحظون ان اكثر الاشياء ماتمشي الا بالواسطه او انك (تدف) الرجال بفلوس اعطيكم مثال انا خلصت الدراسه ابي اروح اقدم يقولك واحد من اخوياك روح لفلان تراه يعرف ناس يقدرون يوظفونك وانت تقول ياخي ماامون على لرجال وانحرج منه يقولك(زبط وضعك)خذ اللي تبي منه واسحب عليه (سيفون) اكيد كلكم تعرفون وش معنى هالكلمه يعني انت الحين كل خوتك للناس صارت على حساب حاجه تبيها من الادمي ولو تساله يقولك ماعلي منه اهم شي اخذ اللي ابغاه ولو تصير معاه تلقاه يقول والله انه مو رجال ويسب ويسخط.dead end
ممكن رايكم لاهنتوا

موضوعك جميل جدا

بس تمنيت ترتيب وطرح الموضوع بشكل افضل

تكلمت عن اشياء كثيره ومهمه

* المصالح

* والواسطه

* والرشوه

بالنسبه للواسطه والرشوه


كُتبت مقالات كثيره لكن للاسف متواجده الى يومنا هذا


ابي اتكلم عن المصلحه

شوف اخوي لاتقولي انا ماراح احتاج احد او ما احد يحتاجني راح تحتاج الناس والناس تحتاج لك مانت عايش لوحدك..
بس اذا انا احتجت لشخص وخدمني وماقصر معي ليش اقول اخذت اللي ابغاه وارميه

ليه كذا بدل ماتدعي له وتشكره هذي نهايه خدمته لك ..

واذا ماقدر يخدمني اسب واسخط طيب ماقصر الرجال معي سعى بموضوعي ولا قدر يحل امري اسبه مباشره

والله ناس عجيبه وغريبه .


اما خوتك للناس صارت على حساب حاجه تبيها

اسمع هذه القصيده:

ياقلب أنا بنصحك عن كـل مافـات
عن عشرة الأنذال وأهـل المصالـح
اللي لهم في بردت الوجـه عـادات
أهل الردى دايـم تحـب الفضايـح
بوجيه اهل الفعل الـردي علامـات
والغدر يبدا بوجيـه الانـذال لايـح
ياقلب عنهم قـص حبـل العلاقـات
عنهم توسعـك الفجـوج الفسايـح
افراقهـم عنـدي سعـاده وفرحـات
ولا صرت فوق بعز لاتصير طايـح
وياقلب يكفيك اول الوقـت مافـات
قـدام تصبـح للخفـيـات بـايـح
وترى الصادقه لحظات تنكر بلحظات
وتبينـك عـن ماتـوقـع لـوايـح

هذا مالدي والمعذره لو خرجنا خارج الموضوع

وارجو اني افدتك
وفقك الله

بسم الله الرحمن الرحيم

اخواني ماتلاحظون ان اكثر الاشياء ماتمشي الا بالواسطه او انك (تدف) الرجال بفلوس اعطيكم مثال انا خلصت الدراسه ابي اروح اقدم يقولك واحد من اخوياك روح لفلان تراه يعرف ناس يقدرون يوظفونك وانت تقول ياخي ماامون على لرجال وانحرج منه يقولك(زبط وضعك)خذ اللي تبي منه واسحب عليه (سيفون) اكيد كلكم تعرفون وش معنى هالكلمه يعني انت الحين كل خوتك للناس صارت على حساب حاجه تبيها من الادمي ولو تساله يقولك ماعلي منه اهم شي اخذ اللي ابغاه ولو تصير معاه تلقاه يقول والله انه مو رجال ويسب ويسخط.dead end
ممكن رايكم لاهنتوا

أخ سليمان يعطيك العافية ع الموضوع
اليوم بالزمن هذا مافي أحد يخدمك لسواد عيونك معك
(عاد اللبيب بالأشارة يفهم )
وبالنسبة للرشاوي منتشره

كل شيء مخالف للأنظمه في دولتنا العزيزه تم القضاء عليه إلا موضوع (الواسطه والخدمه مقابل مصلحه معينه ) ولا نعلم ماهو السبب وراء ذلك ولكن أحد الأسباب هو غياب الوازع الديني وحب الذات وأكل حقوق الآخرين .......إلخ