آجًـْمًل مًآ لآمًسٌِِّ آحٍّسٌّـِآسٌّـِيَ ..

الله اللي رآد والعقدهـ قضآهآ اللي عقدهآ
لا على الدنيا السلام ولا لباقي العمر زينه ..

الفضآ مآ كنه الى خيمة طآحت عمدهآ
والفرح مآ كنه الى شيخ أنقصت يدينه ..

والعمر قطعة زجآج انكسرت ولآ طآل أمدهآ
والعرب في العيد بدموع اليتآمى مستهينه ..

والشوآرع لفهآ ثوب الظلآم اللي هجدهــآ
والبيوت اطلال من عقب المحبه والسكينه

والشتآ والليل والبرد والسمآ يصرخ رعدهآ
والعيون اللي ورىآ الشبآك مذعورهـ حزينه ..

طولوآ في الكهف الأصحاب وبقت روحي وحدهآ
كـنـهـآ فـي كـوكب ثـآنـي خـلا مـن سـآكنـيـنـه ..

الوداع اللي بعلم العين أعبر من رمدهــآ
والوداع اللي بلآ علم لقفص صدري غبينه ..

والوداع اللي بلآ رجعه عليّ أمر وأدهـآ
والله أنه غرغرة سم وسكاكين سنينه ..

والعنود اللي جفيت الناس والدنيا بعدهآ
مدت الفرقآ لغآليهآ وهي تعطي الثمينه ..

وينها كيف اتركتني ؟ ليه مآجت في وعدهآ ؟
والـقـمـر لآ طـل خـآبرهـآ تجي بيني وبينه ..

رحت أنآدي وأتلمس في مهب الريح يدهآ
كني أحصان بلآ صاحب طوى البيدا حنينه ..

رحت أصيح الصبح وينه ؟ والعرب ما رد أحدهآ
مآسمعت إلا صدى صوتي يقول الصبح وينه ؟

كنهم من يوم ذيك الشمس غآبت عن بلدهآ
طلعوني في النفود وصكوا ابواب المدينه ..

كنهم من يوم ذيك الذاهبه مـحـد وجـدهــآ
كل رجآل من الشرهه قلع في الدرب عينه ..



للحزن فيني مثل مآ للطهاره في جسدهــآ
ويش أسوي لآفتشت اللي لها وسط الخزينه ؟

زخرفت حلم وبنت له مسكن وسمت ولدهآ
آآهـ لـو غـرد ولـدهـآ فـي خميـلة والـديـنـه ..

عآهدتني وظفرت بيمين أقوى من عهدهآ
والصبي لآ خير فيه أن كان مآ نفذ يمينه ..

مآ تتقى عن رثآهآ عرق أقتض بشهدهــآ
ولآ تبقى خلف قضبآن الجفن عذراء سجينه ..

كيف عند العالم أيام العزاء محصى عددهآ؟
ولآ انآ طالت شهوره والله اعلم كم سنينه ..

لآ الثرى فيهآ نبات ولآ المشي خفف نكدهآ
لآ السما فيها طيور ولآ البحر يمه سفينه ..

لآ القمر هذآ مسآه ولآ العصي هذا رغدهآ
لا الزهر هذا شذاه ولا الذهب هذا رنينه ..

قالوآ الشيخ الفلاني مرجع القوم وسندهآ
قآل يبشر بـالـعـوض والعلم جيـنـا ناقلينه ..

سآق لك بدر البدور اللي نشدهآ من نشدهآ
جـآدل هـزت عـروش وخيبة روس ذهـيلـه ..

قسمهآ في رسمها في جسمها الا في رشدهــآ
واسمهآ أن جآء الغضب قومه على الالسن رطينه ..

أترك الـنـاي وعـطـيـة شـيـخـنـا غـنـى لـسعدهــآ
وانبسط يا مشعل وانسى اللي ورى التربه دفينه ..

قلت ولصدري تنآهيد تروع من شهدهــآ
آآهـ واويلاه من يجذب على قلبي ضنينه ..

خلوآ أغلى ذاهبه ترعى ربيع اللي فقدهآ
والعطآ راعيه محدن صوبه الله لا يهينه ..

لوِ ضمنت الجنـة تفإحـه آلقلـب [ وشـهدهـآ !
[/c قـلت مـن بكرٍهـ عـسىآ مجنوٍنهآ تآقف [ سـنيـنه ],,!!