منيف منقره وسلطان الهاجري في اول لقاء بينهم جديد..

سلطان الهاجري:
النار شبت وزيدوها شوية حطب......اما على العازمي ولا على المنقره
احدن يفرك دقن واحدن يفرك شنب.......وارفع يديني لربي واحمده واشكره
المنقره:
العام ضد العرب واليوم صف العرب........الله حسيبي على حكامك يانقره
مافيه معدن نقي صافي سواة الذهب.......امورنا ميسره واقوالنا مدبره
الهاجري
اما ذبحك الوهم ولا ذبحك الجرب ........ولاغدالك على سكة تبوك غبره
انته كثير الادب منته قليل الادب........وابواب متفتحه وابوابن مسكره
منيف:
مايشتكي من ثقيل الجسم غير الركب.......يالهاجري فاح معك المسك والعنبره
الهاجري ماصدق والهاجري ماكذب.......واحد يثرثر ليا حصل هلة الثرثره
الهاجري:
انا تراني ماجيب علوم بلا سبب..........مير انته عظامك من الطرقه مكسره
يامنيف يامنيف للموضوع راس وذنب........وانته كما الحارس اللي يحرس المقبره
منيف:
من يعتب الناس تقبله منه بعض العتب........كثر بالاحلام ترى احلامك مفسره
مايحمي العين غير الرمش رمش الهدب........واشره على اللي تشوف ركابه مضمره..

كفو يابومناحي..

منيف وزيد العضيله يلعبوا على الهاجري..
منيف:
يازيد قم سولف قبل يسري الليل.....قم واحتزم نسري مسار الذيابه
وعلى القريب لا تمد الدرابيل......ومن الطرب تلعب ياقوس الربابه
زيد:
ان كان ودك في علوم الرجاجيل.....هات السؤال ولا لك الا الاجابه
من دون حقي ماني بارد الحيل.......والذيب حطك بين ضرسه ونابه
منيف:
لقيت جرت فيل من عين الفيل......جرته بالوادي وهو فيل غابه
مافيه تزوير ولافيه تظليل........شاهدتك ماهي شهادة صحابه
زيد:
عزي لكم يامثورين المفاتيل.......قالوا لي انه راح ينقل صوابه
احسب حسابك فاليالي المقابيل......وان غاب لايثر عليكم غيابه
منيف:
يازيد قبل نكثر الحط والشيل.......كم عاوين يبغا العشا والعشابه
ثياب من درويش وثياب تفصيل......واحسنهم اللي لالبسته مهابه
زيد
اللي ماهو قد السيوف المصاقيل......دون المهند لايجود نصابه
كبرتها بالحيل بالحيل بالحيل.....قلاب ثوبه ويش حضرة جنابه
منيف:
يازيد انا لوكنت حبوب وحليل......يضيع حقي من يديني نهابه
طلعت عليك الشمس يانجمة سهيل......وادخل على الله عن مقص الرقابه
زيد:
ماشفت من قسوتك غير البهاديل.......واللي ماهو بحليل لامرحباابه
ياللي تكيل الكيل لا تبخس الكيل.......ترى المحصن مايفتش زهابه
منيف:
اللي نزل بالسيل لا يامن السيل........ياليت ابو ممدوح باول شبابه
واللي تغطرس فوق روس الرياجيل.....ان جات له من فوق ماهي غراابه
زيد:
يامنقره راحت جمالك محاميل.......ومن التوابه زيد لا واعذابه
شرب المنايا مثل شرب الفناجيل......بيتن سمعته وانت حسب حساابه
منيف:
محملاتن كلهن بنن وهيل......والحمل الاخر طاح ماينسراابه

وسلاااااامتكم..

الله يعطيك العافيه

الله يعطيك الف الف عافيه مجهووود راقي جدااااا

بخصوصا محاورة منيف مع الهاجري اتوقع الي بالعيد وكانت في حفر الباطن
كانت ملعبه رايقه جدااا ..... وهذا هو ابو منااحي دائمااا في القمه

بنتظار ماعندك باسرع وقت ...وبنتظار احد يتقدم لمساعدته لنقل المقاطع

وانا مستعد انزلهن على اليوتيوب اذا لم يتوفر احد من المختصين بقنوات ابو مناحي ع اليوتيوب

مشكور أخوي الحاكم الحبيب على جهودك ويععطيك العافيه............

الله يعطيك الف الف عافيه مجهووود راقي جدااااا

بخصوصا محاورة منيف مع الهاجري اتوقع الي بالعيد وكانت في حفر الباطن
كانت ملعبه رايقه جدااا ..... وهذا هو ابو منااحي دائمااا في القمه

بنتظار ماعندك باسرع وقت ...وبنتظار احد يتقدم لمساعدته لنقل المقاطع

وانا مستعد انزلهن على اليوتيوب اذا لم يتوفر احد من المختصين بقنوات ابو مناحي ع اليوتيوب

عندي حساب يوتيوب بس التصوير اكثر من ساعه لنه يعرض الحفله كامله ماعرفت اقسمه اجزاء.. هنا المشكله..

واشكر لك مروورك وردك واللي عندي حفلتين.. الاولى بالقصيم في 8-8-1432 والثانيه في حفر الباطن13-10-1432..

ولو الشباب ماتحمين كان عطونا الطريقه لكن 350مشاهد و6ردود الوضع مافي حمااس..