ربــــــعــــــي بــــــــــــلــــــــي

السلام عليكم ورحمة الله وبركاته


يسرني ان اصافحكم بهذه القصيده ... املي ان ترتقي لذائقتكم ...

يشوش راسي للقصيد وينتخي حرف القصيد =خصا ليا مني كتبت الشعر في ربعي بلي
تفاخر الكلمات وانظمهن كما العقد الفريد =اخذ من بحور الخليل سمان ماخذ هزلي
ادري جبال اكبر من التعبير وافواه النشيد = الله يجملني مع زحول الرجال الصملي
باهجهن شرد القوافي واطرق الدرب البعيد = برقا لها من طيبها من طيبها سيرة هلي
افيد من يجهل مسارات الكواكب واستفيد = اقلب التاريخ واوراقه واسجل مايلي
حنا بلي تاريخنا مثل العلم في راس حيد = مايجهله ياكود شاوياً مخاوي جهلي
قبايلن تملك سنام الراي والباس الشديد = اهل الخيول العاديات اهل السيوف الصقلي
مثل البحر لاعطوا ومثله لاخذوا علماً وكيد = تلاطم امواجه ويزفر غيظ جمراً يصطلي
والحمدلله يوم بين وانبثق فجراً سعيد = فجر الرساله من كريم(ن) للرسول المرسلي
سارت طلايعنا مع اول جيش من ذات الجريد = واسقت دمانا بذرة الاسلام من صدق الدلي
في بدر وتراب المكان اللي حضن حمزه شهيد = لو تساله لا قال ثلث القوم من صفوة (بلي)
قدنا جيوش المسلمين احرار للمولى عبيد =أما لغيره مانثنت هاماتنا قولاً ملي
(موسى ) سرى بالجيش من يثرب ويمم للصعيد = واشرق صباح افريقيا لله دره من شلي
باقي لنا بالاندلس تاريخ يبقى مايبيد = محفور في صدرالتاريخ المعتلي ماينجلي
والان ونحمد الكريم اعزاز ماننقص نزيد = احنا هو احنا والولد يشبه لابيه الاولي
حاضر تطاول هامته مركي على ماضي تليد = واللي بليا ساس يسقط لو جداره معتلي
راس الهرم شيخاً يقود العلم بالراي السديد = ابن رفاده لاضمحل الظل ظل يظللي
شيخاً ورثها ورث ماخذها بشيكات ورصيد = صميدعاً يحسب حسابك يالليال الحملي
تمت وانا راسي يشوش ليا كتبتك يالقصيد = خص(ن) ليا مني كتبت الشعر في ربعي بلي

تحياتي للجميع

شاعرنا القدير

عويض ساعد البلوي

صح لسانك والله قليله بحقك

الله يعطيك العافية أقل بكثير مما تستحق

والله ماني لاقي كلمه تعبر عن مدى إعجابي و فخري بهذه الراااااائعة



أخي و استاذنا الغاااااالي

لنا الفخر بأن تتربع بيننا في مجلس الشعر الشعبي

و ننتظر منك المزيد و المزيد




ودي