رحلتي الى باريس شهر 10 لعام 2011

الغالي والراقي
محمد سالم

رحله سعيده والحمد لله على السلامه
والله يوفقك ولا يغير عليك يارب ويكفيك شر كل من به شر
بصراحه امتعتنا الله يسعدك

لكن عندي استفسار
رحله كهذه " كم تكلفتها تقريبا "
أذا كنت أنت وزوجتك فقط



وفقك الله ولا تحرمنا جديدك
تستحق التقييم

ابو حمد

إنننننننننننننننننننننننتبه تروح لحالك

اخاف تجيك رساله ترجعك مشي من باريس

ابو حمد

إنننننننننننننننننننننننتبه تروح لحالك

اخاف تجيك رساله ترجعك مشي من باريس


:d

لا تخاف السعوديه كلها
بآخذها معاي
هههههههههههههههههههههههه

يسعد صباحك

ماشاء الله رحله موفقه

احسستني كانني الان في باريس

بس تبي الصدق فرق بينها وبين ابو راكه :d :d :d

اخواني
بن صقير
محمود عيد غبن البلوي
ابو شهد الفاضلي
نواف عواد النجيدي
سعود السرحاني
الحلم الجميل
حامد بن راشد الوابصي
مشعل بن مشحن السرحاني
خالد علي فالح السحيمي
صقر بلي

حياكم الله جميع في موضوعي وابشربو
بباقي الموضوع عما قريب
اخوي ابو راشد بالنسبة للصرف هناك على حسب
الي تبيه تبي باليوم تصرف الف بتصرف مية الف بتصرفها
يعني يختلف الصرف من واحد لواحد

وانا احسبها لك حسبة بسيطة تذاكر لي ولزوجتي
بـ 6 ستة الاف ريال ذهاب وعوده من تبوك الى باريس

وسكن لمدة 4 ايام بدزني 2200 الفين ومائتان ريال
وسكن لمدة 10 ايام بباريس شارع الشانزليزية
بـ 18800 ثمانية عشر الف وثمانمائة وثمانون ريال

يعني 26 الف بس سكن وطيران
الباقي على حسب الي تبيه تبي باليوم
على فكره موية الصحه بـ 11 ريال


اقول ليش اتعبك بالحساب بالعربي
لا تروح وغير انك ساحب قرض او مقسط دبابين

في هذا اليوم حان الرحيل من فندق دزني إلى باريس
بعد سكن دام فيه 4 ايام
طبعاً البايسن من تبوك اخذته هو الريد بول




هذا الباص تكسي يوصل من الفندق إلى الاوت لك
الشخص الواحد بـ 5 يورو
طبعاً على الطلب تكلم الاستقبال وهم يتصلون عليه
ويجيك ولما تخلص من السوق لهم مكتب يدقون عليه
ويرجعك الفندق



من داخل الباص حتى اللغة العربية موجوده




نظرة الى الجو الحلو



هذا رايق يعزف داخل السووق



المكتب في الاوت لك حق الباص دق عليه
ورجعنا الفندق توديع نهائي للاوت لك




في مواقف الفندق ننتظر الباص يودينا لدزني لاند
حيث يقع هناك القطار الاحمر الي يودينا إلى وسط باريس
محطة شار دي قول وهي في شارع الشانزليزية







بعد مانزلنا من الباص وتوجهنا إلى محطة القطاار



طبعاً ما تحتاج بقاله تحصل مثل هذه المكاين تشتري منها
مويه عصير اي شيء طبعاً السعر 2 يورو 11 ريال للكولا



ثم وقفنا سرى واشتريت تذاكر لمحطة شار دي قول
سعر التذكره 7 يورو للشخص الواحد



هذه محطة دزني



الشنطه وهنا نصيحة لازم تاخذ شنط لها كفرات حتى تسهل
عليك الحركه لأنها متعبه بدون الكفرات
وحاول لا تكثر قدر المستطاع وتكون منتبه لجيوبك لأن السرقة
مشهوره هناك حاول تكون في مخابئ سرية داخل ملابسك ويكون
لها اما سحاب او زر ولا تكثر كاش معك هناك كل شيء
ببطاقة الفيزا وانا اخذت بطاقة فيزا مسبقة الدفع
يعني كل ماتشحنها تشتغل معك



واحد يشحد في القطار بطريقة جديده بالنسبة لي



خط السير القطار والمحطات الي يوقف فيها



وصلنا إلى محطة شار دي قول



لوحة ارشادية داخل المحطة وبها المحطات الي يمر فيها القطار
وكل شيء واضح




اول ما تطلع من المحطة على طول تقابل قوس النصر
والنظرة الإولى لباريس
وكانت الشوارع زحمه والجو حلو جداً





واول شيء يقابلك في شارع الشانزليزية هو سفارة دولة قطر
ثم توجهنا إلى الفندق



وهذا هو فندقنا





هو صحيح 4 نجوم ولكن الفندق ضيق جداً خاصه الاستقبال
والاسنسير والغرف ولقد خدعت بالصور في بوكنك
ولكن تم السكن فيه لمدة عشرة ايام















صور الغرفة وحيث ان الفندق جديد لم يكمل الشهر ولكن سعره غالي
ومايميزة قربة من كل شيء يقع على شارع الشانزليزية
وقريب من ساحة الكونكورد ومن برج ايفل وقوس النصر ومتحف اللوفر




ريحنا شوي بالفندق وطلعنا نتمشى في الشانز ليزييه





حصلنا هالسيارتين الفاخرتين للإيجار لمدة 20 دقيقه
بـ89 يورو صراحه شيء بس ما يركبها غير واحد





دخلنا احد المجمعات في الشانز وحصلنا هالمعطم اللبناني
يشتغل فيه واحد لبناني وزوجته









دخلنا معرض بيجو نشوف الجديد فيه





وتوجهنا إلى ماكدونالز واخذا سمك



ورحنا قوس النصر وطلعنا فوق ولكن التعب ان الواحد يطلع درج

وكان منظر حلو











صور من داخل القوس



صوره لبرج ايفل من فوق قوس النصر





الجندي المجهول



ماركه مشهوره بس لقيته مقفل

وتابعو معي باقي التقرير واتمنى ان ينال على اعجابكم

طبعاً الفطور مجاني مع الفندق وهذا تقريبا اول يوم



وهذا فطورنا لليوم الثاني



دباب بي ام دبليو اشتهيت اسوقه
ثم تمشينا نبي نروح متحف اللوفر الشهير
ومررنا بساحة الكونكورد طبعاً 10 دقايق مشي من الفندق









ساحة الكونكورد



واحد يشحد بطريقة جديده







حدايق بين ساحة الكونكورد ومتحف اللوفر



الباص السياحي











متحف اللوفر من الخارج صراحه سرى طويل جداُ
حتى الواحد يدخل ولكن ما يطول يعني نص ساعه
والجو رااائع وانا اكتب هالرد تذكرت الجو





سروات على شباك التذاكر



احسن مافي الموضوع حصلنا خريطة بالعربي
وسهلت علينا اللف في المتحف الكبير والكثير اماكنه











صور داخل المتحف









الموناليزا



طريقة التدريس عندهم شكلهم طلاب ثانوية
ياخذون الدروس مباشرة









مرور من بين التحف















غرفة الضيوف لنابليون شيء خيالي





صوره لساحه خلفية للمتحف وتوديعه
ورجعنا الفندق





وكان العشاء من دومنيز بتزا



صورة لورود



واودعكم بالورود مع نهاية هذه الحلقة وراح اكمل الباقي لكم قريب