أهداء من والدي الى الغالي / عيد بن قيضي الوابصي

[quote=المنجور;790533]

قصيده متواضعه كلفني الوالد حفظه الله بان اضعها بالمنتدى وهي أهداء للغالي / عيد بن قيضي الوابصي

وهو يستحق الكثير

وأرجوا ان تنال استحسانه واستحسانكم

بسم الله الرحمن الرحيم

أبو كرم عنده نوادر عجيبه = دين وكرم مع صدق مع طيب فاله

الطيبه من عيد ماهي غريبه = يسعى لها حتى تجي في احتماله

مُكرم بتقوى الله وحسن الذهيبه = يعطي بيما ولا يدري بشماله

مضمون عن غلطه ولا هرج غيبه = مناظر المعبود منشي خياله

سيطر على دنياه لو هي صعيبه = على النوادر مرهياتٍ حباله

ايلا هرج عندي اقول اقتدي به = تطلع الهرجه بعرف ورجاله

لو قالت الأيام غير اعتزي به = لأنه زبون لعزوتي في كماله

هذا ولد قيضي شرار ولهيبه = يوم اتعزوا في رجال الشكاله

وعبيد فالنوماس حاصل نصيبه = أبو مساعد قد ماجاه شاله

أنا اتنومس فالرجال العريبه =ماأوحن ولا أنظر في علوم السفاله

أعرف نفسي قبل ما سرت شيبه =والرجل تفرق نظرته عن عياله

الآدمي ما يقدمه غير طيبه = ولا أحدٍ يحط الآدمي له زماله

اللي يعديها بكُره وغليبه = ياشينها لو ما تجي في سهاله

وصلاة ربي عد من زار طيبه = على الرسول اللي بعث فالرساله

راشد بن حمد قرفان

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ

والنعم بك ياراشد وبكل شيبانكم رحمهم الله و افعالكم وكرمكم معروفة

قصيدتكم لابد ان يقراءها الشخص مرات ليما فيها من المعاني الساميه والوفاء 0 لعيد ابن قيضي 0 اللذي يستاهل هذه الدرر صح لسانك ونتمنى المزيد منك 0 وشكرا خاص لابنك البار على النقل

هذا من طيبك وطيب أصلك يالمنجور
شكرا لمرورك الكريم
وكل عام وأنت بخير