مساء الخير على الصاحي,,وأشوف الناس مخمورة

إليكـم هالقصيـدة ياجماهيـري وهـي خطـره ××وخلـوا هالرقابـة تسجـن الشاعـر وجمهـوره

هدوء أيهـا السـادة حظـور الحفـل والسهـره ×× مساء عل الصاحي واشوف الناس مخمورة

أنا آسف على الإزعاج ولكـن طـارت السكـره ××ذكرت اني قبل ساعات أصيل وعزوتـي نـوره

على فكرة ـالكرفتـة ـعجـزت أفكهـا عسـره ××أبـي واحـد ينزلهـا أو أي وحـده ومشكـوره

وأبي ثوبي جيبو لي ثوبي الأشهب مـع الغتـره ××قبل والله لأطربقهـا علـى هالحفـل بحضـوره

ولا واحـد يتكلـم قبـل مـا أخلـص النشـره ××ومن يحكي قسم بالله لأدوس برجلـي حنجـوره

تراهـا قفلـت يـاسـادة بــلادي وياسـتـره ××وهـي مادامهـا خربَـت أقـول الليلـة الثـوره

أنا بحكـي مـن أول يـوم جيـت لدنيـةٍ قـذره ××وتكـرم عـن قذارتهـا بيـوت الله معـمـوره

أنا مولود في ليلـة شتـاء مـع بردهـا مطـره ××في خيمة وسط صحراء مابها سستـر ودكتـوره

أنا ياحضرة السادة غريب وضاع مـن صغـره ××لعن جـدي زمانـي بيـن مدهـوره ومهجـوره

حملت من الشقـاء مالايطـاق وجايكـم ذكـره ××ولاني عاجز اتحمـل وامـوت بنفـس مقهـوره

وانا ادري يذبح الرجال كثر الصبر فـي قهـره ××وعن قهر الرجال المصطفـى حـذر ومذكـوره

وهم قالوا مفاتيـح الفـرج للحـي فـي صبـره ××وانا اشوف الصبر مفتاح ضـاع وزاد طابـوره

تعبـت ألملـم ايامـي بيديـن الهـم والحسـره ××تعبت ألمع البـرواز وامسـح غبـرة الصـوره

تعبت ابوس كف الجوع وخشم الفقر طال عمـره ××تعبت اكذب على الحاجه وأقول الحـال ميسـوره

تعبت أحمس من القهوة واحط السمـن والتمـره ××تعبـت ودلتـي وحـده وكـل شـووي منثـوره

احسب العز بالدلـة وبيـت النـذل بـه عشـره ××دلالـه اكثـره ملعـون ومليانـه ومسـطـوره

انا بحكم البـداوة انـزرع فـي داخلـي بـذره ××عن علوم المراجل ألـف بـذرة فينـي مبـذوره

تربينـا علـى الديـن ونطيـع الله مـع شكـره ××تعلمنا نصلـي ونحفـظ القـرأن وكـل سـوره

تعلمنـا نحـب الضيـف وفينـا الكـرم فطـره ××وتعلمنـا نـقـول الـصـدق لالـفـه ولادوره

تعلمنا نحلب النـوق ونعـرف وشهـي البكـره ××تعلمنا الظمأ وحنا فـي يديـن البيـر محضـوره

تعلمنـا وكثيـر اللـي تعلمـنـاه وشـكـثـره ××أخذنـا درس بالدنيـا بـلا دفـتـر وسـبـوره

وانتم ياسكـارى الحفـل عفـوا أيهـا الزمـره ××منو فيكم عرف قهر الزمـان وظلمـه وجـوره

منو فيكم وطـاه الجـوع وذلـه وصفقـه فقـره ××منو فيكم عـرف يحتـاج للقمـه ونشـف زوره

منو فيكم مـن الضيقـة حفـر بأصابعـه قبـره ××منو فيكـم رقـد ليلـه وسـط أجسـاد مقبـوره

منـو فيكـم مشـى برمضـى كأنهـا الجمـرة ××منو فيكم سهـر ليـل الظـلام بـدون أبجـوره

منو فيكم ماطاح ألفيـن مـره وسلمـت الجـره ××وانا من قبل اطيـح وجرتـي بيدينـي مكسـوره

لكم الماء والوجـه الحسـن والمـال والخضـره ××ولنا حنا الظمأ والجـوع وفقـر وشيفـة عـوره

ولا مره حظي ضحك في وجهي واشكـره مـره ××وغيري مبتسـم حظـه وكـل ايامـه مسـروره

كتبت الشعر من صغري وبيوتي مابهـا كسـره ××وانتـم تبـرزون الـي كتـب بيتيـن مكسـوره

أنا ياحضـرة السـادة فقيـر مااغتنـى بشعـره ××مادام المومس اللي تشـري الأشعـار مشهـوره

وانا ياحضرة السادة هنـا الليلـة وعلـى فكـره ××ترى هالبذلة مسروقة ورجلي بجزمـة محشـوره

ولكن قلت ابحضر هالحفـل والوقـت ابختصـره××وابي ابدع معاكم وسط ليلـة انـس ومحضـوره

وإذا كانـت رجولتكـم بكـأس الثلـج والخمـره ××انا بشرب بدون الكـأس وثلجـه ألـف قـاروره

ابويه قـال لـي مـره دسـم شـارب بالغبـره ××مايدري بالشنب محلوق وجابـر فاقـد شعـوره

انـا ماشـي مـادام الليـل ودع وابتـدأ فجـره ××بروح ارد هالبدلـه علـى المعـلاق مـزروره

وانا ادري ياكلاب الحفل إنـي بالسجـن بكـره ××مادام الليلة جبت العيد في هذا الحفل وحضـوره

الشاعر جابر العتيبي

ماذا يريد هذا الشاعر أن يصل إليه/قمة الشجاعة أويصور حالة مؤقته ليقول صعب فك الكرفتة في ليلة مخمورهـ

هل الصور الشعرية فيها إبداعات

أستعين على فهمها بمن يحب الشعر ويتقنه

دمتم بحفظ الله

قصيده مليئه بالدناميت

بس الشاعر يحب يوصل ان الناس قسمين قسم
شبعان وغني بالمال وقسم فقير وداقته الدنياء,,


ابو ثامر
وحشتنا ياخي

ماأدري

بس حينما قرأتها

شعرت بقمة القهر الي يحسّك

بالعجز ولا تستطيع فعل شي

تحيتي للشاعر الجزل

وأخي الكريم

قصيده مليئه بالدناميت

بس الشاعر يحب يوصل ان الناس قسمين قسم
شبعان وغني بالمال وقسم فقير وداقته الدنياء,,

ابو ثامر
وحشتنا ياخي

هلا وغلا / ابومحمد

الله يعين على الدنيا ماترضى احد
لاغني مرتاح ولا فقير متهنئ


دمتم بحفظ الله

ماأدري

بس حينما قرأتها

شعرت بقمة القهر الي يحسّك

بالعجز ولا تستطيع فعل شي

تحيتي للشاعر الجزل

وأخي الكريم

هلا وغلا / لمياء العرادي
الرسول صلى الله عليه وسلم

تعوذ من قهر الرجال

دمتم بحفظ الله

طرح طيب وجميل
الف شكر يا ابو ثامر
على هذه القصيده الحلوة
بارك الله فيك