يا الوايلي بالطيب وش عاد خليت

بشيم وطيب الرجال أعفى الشيخ / عبدالعزيز الأيداء عن قاتل ابنه أسأل الله العلي القدير أن يجزيه جناة النعيم

وبهذه المناسبه كتبت هذه القصيده رد ثناء وهذا اقل مانقدمه لهذا الرجل اللذي بكرمه اعفى وصفح لوجه الله تعالى

للي حظر من صافي الفكر هليت = أهلاً هلا باللي حضر من قبايل
وان قلت وايل وأبن وايل وحييت = حياكم الله خص ياعيال وايل
للوايلي سلام تسليم توقيت = في لحضتاً يحرج قليل المحايل
عزوتك الايداء لا تنادوا وناديت =صفت خيول متعبين الاصايل
حكم القدر والحي ما هو كما الميت = سهم المناياواختلاف الوسايل
يا الوايلي بالطيب وش عاد خليت = لأبناء الجزيره وش بقا من جمايل
انشهد انك بالعطاء ما توانيت = عتق الرقاب ولا تدور بدايل
المرهف المسنون في يدك واعفيت =والحكم صادر ثابتاً بالدلايل
سمحت في غاليك بالجزل مديت = لله درك ياعريب السلايل
جزاك جنه من كريما ترجيب = في جنة الفردوس ضمن الاوايل
عبد العزيز اكفيت بالطيب واشفيت = هم القلوب اللي كوتها الملايل
انته حويت الطيب كله وحطيت = حملاً ثقيلاً عن جميع الحمايل
بياض وجهك كل ما أصبحت وامسيت = ياللي تحوش الطيب للمجد طايل
وللي سعو بالصلح حظاً وتثبيت = الرابحين الكاسبين الفضايل
نعم الرجال اللي لهم ذايع الصيت = كسابة الأمداح يوم الفعايل
حتى لو اني بالمعاني تعنيت = المدح باهل الطيب صايل وجايل
وأرج السموحه كان ما أجزيت ووفيت = أرج السموحه ياكرام السبايل
وربعي بلي عند العزاوي تعزويت = زبن الدخيل وسجلي يارسايل
بلي بلي في عالي المجد والصيت = اهل الوفاء والطيب والشك زايل
وصلوا معي على النبي يوم صليت = شفيعنا بالحشر يوم الهوايل

*

الشاعر / حمود سلمان بن مخيلي السميري البلوي

25 / 1 / 1433 هــ

اللهم صلي وسلم على محمد

الشاعر الكبير حمود السميري

بيض الله وجهك وصح لسانك كفيت ووفيت والايداء يستاهل كل علم طيب

عادل البلوي