الشاعر سلطان العنـــزي يمدح بنت ابوها

كل يوم يخرج الشاعر سلطان العنزي من منزله الى المسجد لصلاة الفجر او العصر
يشاهد الدخان يخرج من مدخنة مشب جاره جابرالسحيمي رحمه الله والتي تشب النار ارملة جاره ..
وبعد الصلاة يكون الباب مفتوحاً وتشجع السحيميه ابنائها يقفون عند الباب كي يرحبون بالماره ليتناولوا معهم القهوه اسوةً بما كان يفعله والدهم رحمه الله وكانت تقول لهم نار ابوكم لا تنطفي ..
وشد انتباه الشاعر كرم السحيميه وحسن تربيتها لأبنائها وحثهم على الصلاة واستقبال الرجال ..
وكتب هذه القصيده مدح بالسحيميه وبناره التي لاتنطفي ,,

ويقول الشاعر

أخذت لي مع شرقت الصبح سجات
في حارةً بعض الفريق اسكنوها

واشوف ناساً هاجده مثل الاموات
لو فيه قوماً بالكمال اخذوها

بعض العرب يملك بيوت وعمارات
وموالهم لو حسبوها ماحصوها

سووا مساحاتاً وسووا مشبات
وراح الشتا والنار ماولعوها

عباد مال ولادركوا للجمالات
استلحجوا وسلوم اهلهم نسوها

خذوا ورا الدنيا تلاهي وغفلات
وباعوا ثمين السالفه ماشروها

جريت من خاف المعاليق ونات
وفقدت ناساً والكثير افقدوها

وين الرجال اللي لها الطيب عادات
اهل الوفا ومثولثاتاً بنوها

برباعها تلقى عن الظيم لوذات
الضيف والمسايير جوها

عد الروى لوصار بالوقت ميلات
ويمانهم ماحوشت قدموها

واليوم ياطوال الحا والشنابات
فازت عليكم كلكم بنت ابوها

معاد طفي نارها كل الاوقات
يوم العفون ابوابها اقفلوها

وتنبه ابناها لخمس الصلاوات
وعن واجب المعبود ماتعبوها

يوم المغفل يتبعون الملذات
سجوا ودجوا والصلاة اتركوها

بنت السحيمي من خيار العفيفات
مدحتها والطيبين امدحوها

لولا الوفا مالي مقاصد وغايات
اخص ماعم العرب كلبوها

هدية المرسل جزيل التحيات
نصيحتاً ياسمعين افهموها

الشاعر
سلطان مفضي الجعفري العنزي

صح لسانك يالعنزي

وتستاهل بنت ابوها

صح لسانك يالعنزي

وتستاهل بنت ابوها

حياك الله ياسمي تحيه لك
يالغالي

عز الله انها تستاهل كل علم غانم
الله يصلح لها عيالها ويعوضها يارب

قليل نوع هذه المرأه في هذا الزمن
بنت ابوها صحيح

صح السان الشاعر

وونعم ببنت ابوها

عز الله انها تستاهل كل علم غانم
الله يصلح لها عيالها ويعوضها يارب

قليل نوع هذه المرأه في هذا الزمن
بنت ابوها صحيح

هلا وغلا ابوحمد اشكرك يالغالي