افتكرت - نبطية

يا مشرفين نريد منسق شعر ....


افتكرت

ما يثور الحس بالقلب البليد=ما يثور الحس والشعر يعصاه
المشاعر بي تقتات القصيد=ما سقاها القاف من صابه ظماه
كم طلبت القلب عن دربه يحيد=كم قطعت أفكار للنظم تحداه
كم تركت إرسال وأهملت البريد=كم طويت أوراق وأبعدت الدواه
كم زجرت أفكار من خاطر عنيد=وكم كسرت أقلام لا تغري هواه
ثم جلست أيام متصبر جليد=استقيت أمرار من صبري وعناه
استفدت الهم في قلبي يزيد=واستفدت الحزن يحرقني لظاه
ما هقيت الروح ترجع لي تعيد=ما فرقت الموت من طعم الحياه

افتكرت الكون بأركانه مديد=استقيت إيمان في قلبي زهاه
من طلوع الشمس بالفجر الوليد=لا غروب النور والليل يغشاه
والجبال أوتاد والوادي خديد=والسهول مهود تمشيها سواه
والطيور أنغام تصدح بالنشيد=والعيون تفيض عذبات المياه

وللرياح أنسام من عطر فريد=أطربت بالروض الورد وجناه

وافتكرت الليل لامنه يسيد=والظلام يسود يخفي ما وراه
والنجوم اتبين في صمت بليد=والقمر لاقام تزهر له سماه

انتبه بي خاطر حيٍ حديد=ارتوى من فكرةٍ أجلت ظماه
وانكسرت اليوم بالباب الوحيد=خاضع للرب يمنحني حياه

يا عظيم العرش ويا رب العبيد=يا قوي الحيل متناهي بقواه
يا عزيز ويا خبير ويا حميد=يا عليم السر متسمع خفاه
يا رحيم ويا رؤوف ويا مجيد=يا زبون العبد ويا غافر خطاه

يا ملاذ الناس بالوقت الشديد=يا مزيل الهم ويا كاشف بلاه
استحيت أطلبك لولاك الجويد=من هو غيرك يستجيب لمن عصاه
أنت ربي أنت معبودي الوحيد=وأنا عبدك كم لك عبادٍ سواه
خلني يالله بك عبدٍ سعيد=للحياه أنشدك وما بعد الحياه

السلا م عليكم ورحمة الله وبركاته

يوسف ابن عبدالله البلوي

صح لسانك

ابـــــيات رائــعـــــــــــة ومعــــــبرة بعنــــــوانها الرائع ..

وياليت ...دايم ...تفتـــــكر ..

....افتكرت ...

منسق الشعريتم تفعيله عن قريب ان شاء الله ...

تحياتي ابا عبدالله

السلام عليكم ورحمة الله وبركاته

يوسف البلوي

أبدعت و رب الكعبة ...

حضور واحد لا يكفي ..

السلام عليكم ورحمة الله وبركاته ... وبعد

يـــوســف الـسـحـيـمــــــــي

للابداع شفاهاً .. لاتنطق الا بك ...
،
،
،
قلمي هنا ..
ممنوع من الكتابه ..
،
،
فاسمح لعيناي ...
ان تقرأ روعة سطورك ..


سـلـمـان الـعــــــــــــــرادي

السلام عليكم ورحمة الله وبركاته،،
يـــوســف الـسـحـيـمــــــــي
حضورك يعني حضور الشعر
.
.
.
.
.
سيدي..
أحرص كثيرا ً على قراءتك
.
.
جئت للمتعه فقط لادراكي بروعه ما اجده في طيات هذه الصفحه البهيه
.
.
.
تسلم يمينك

أتمنى أن تقبل مروري

كل يوم

لأرتوي من قلبك الأبيض



أخـــــــــــــــــــــوك
يمكن غلا

رائعه اخي يوسف

الله يعطيك العافيه