يقول ابن عوده لشاعر ساعد الألبد

يقول ابن عوده على راس مابان= محتار ومعنيه قلبٍ شقاوي
قلب الخطا الي للهواجيس مسكان= يشرب مروره مثل شرب القهاوي
جورٍٍ جرى للقلب من كثر الاشطان= والناس ماهي داريه لدعاوي
اخفي اللي بالصناديق ما بان= والبينه نضفي عليها الغطاوي
اصبر على المذهب الى صار زعلان = وادعيه للمخلوق مثل الحلاوي
اخاف من قول العرب مذهبه شان=اضحك لهم ضحك الوديد الهواوي
بادت عباتي ورتخت فيها الاردان =والذيب جاني من عباتي عداوي
وانا كما صقرٍ يرفرف بجنحان= عذر على الهوا ومات لونه نداوي
عزالله اني تالي العمر قنعان=ولاني على الدنيا شفيقٍ غلاوي
ركضت بالدنياء الى حد الامكان=واخذت من مضواتها لي مضاوي
ومن عقب عجات الصبا كل شي هان=امشي على الهين عوض بالملاوي
غلطان يامن تنصح الناس غلطان= ما فاد باالمخلوق كثر الفتاوي
القول ماينفع بغاوين الاذهان=وكلن على وضعه يعييك داوي
عقول مقسومه بتسعين ميزان=وكلن على عقله يفصل كساوي
مار قم سو فنجالٍ دوا كل ضرمان=حتى لدكوك الضماير يداوي
ابدلتينن غالياتن بالاثمان= بغداد يشدن البكار المهاوي
ونجرن الى انه صاح ماهو بحقران=يشدا لذيبٍ تالي الليل عاوي
يجذب عليك ربوع دسمين الايمان=حمر النواظر ناطحين البلاوي
يومن حال الضيف لفلان وفلان= هجايت الجيعان هو والخلاوي
وبالوقت هذا مكتسي كل عريان =وكلن ينادي للعشاء بالمطاوي
يارب تهديني الى صرت غلطان=ياغافر الزلات والعمر غاوي

غلطان يامن تنصح النـاس غلطـان=ما فـاد باالمخلـوق كثـر الفتـاوي
القـول ماينفـع بغاويـن الاذهــان=وكلن علـى وضعـه يعييـك داوي

ياسلام عليك يابوفهد
صح لسانك ولسان الساعرابن عـودة
قصيدة رائعة
لاهنت

سلمت ابوفهد
قصيده تستحق القراءه اكثر من مره
جزله بكل ماتحمله من معنا
شكرا لك من القلب
ودمت
عبدالله

ابو فهد
سلمت اناملك على اتحافنا بهذه القصيدة الجزلة
للشاعر العلم ساعد الالبد رحمه الله

الاخ بدر الالبد : لك من الشكر اجزله يا بدر
من عقب عجات الصبا كل شي هان ........................... امشي على الهين عوض با الملاوي
اخي بدر من لا يعرف ساعد الالبد ويعرف تاريخه قد لايشعر بمرارة هذا البيت
رحم الله علمنا الراحل الباقي في قلوبنا حتى نموت

ابو فهد
لك الشكر ورحم الله قائلها