جَـــدَرهـ !! هدية لكل عاطل ..

.
مقدمه :
جَدَارهـ .. هو برنامج التقديم على الوظائف التعليمية . .
المشكلة في برامجنا الأخيره .. أن كلها ليس لها من إسمها نصيب !
القصيدة . . إهداء لكل فتاة جامعية تساقطت أوراق أحلامها بإنتظار التعيين . .

عاشر سنه يُمه أدوّر وظيفه=أقّبل يباس العمر وأبعد خضاره
تطيح هامه بالمعالي منيفه=وتتساقط أحلام الشباب بغزاره
ليه الوطن شح بعطاه ورغيفه=وقلبي يخيّط له رداه وإزاره
نسجت حبي له وعيني كفيفه=وكل يوم أبشّر خيبتي في قراره
كل يوم أفرش من همومي قطيفه=والفقر ينهش كل ظن بجساره
الجامعة وأحلام بنتٍ عفيفه=كيف الزمن غيّر حلاها مراره
والواسطه ساعد وكلٍ وسيفه=وأنا بلا ساعد ولا لي شطاره
وجهٍ تكشّف بعد ما عشت زيفه=بكره يولّع بالقلوب الشراره
يُمه وقلبي كل شيٍ يخيفه=دام المواطن شاف ظلمه بداره
الحلم طيرٍ ما يجمّل رفيفه=حتى " جَدَاره " صار عالي جِداره !!

.

الله الله

شاعرنا المبدع أحمد عايد البلوي
صح لسانك مدد بلاعدد كعادتك شاعرمبدع
وليس الابداع بجديد عليك فانت رائع في كل ماتكتبه
شهادتي مجروحهولكن يحق لنا الفخر بك وبشاعريتك
ومهما اشدنا بك سنكون ببعض ماتستحقه من اِشاده
من يقرأنصوصك يجد الشعر وماهذه القصيده الرائعه
بموضوعهاواحساسك بمعانات من يعانين من اخواتنا
اِلاًاِمتداد لماابدعته بقصائدك السابقه
لاحرمنا الله هذا الحضور
دمت لنا ودامت مسراتك

صح لسانك ابو شهـد

قضية تحتاج الوقوف كثيرا وانت

بهذه القصيدة اختصرت الهم الذي يأرق

الكثير من الشباب والشابات ..!

صح لسانك ...!

احمد
.
.
مافي جديد
.
.
ابداع فقط


.

دام وجودك

.
عبدالله الوحيشي