الفنجال

يامحلا الفنجال والليل قمرى= في خا يعاً توه من الوسم ممطور
خا يع مري وعله الغيث وامرى= حتى تشابك قيحوانه مع النور
ناره حطبها من سواقين سمرى=بيديك لا فاساً ولا قص ماطور
والجو بارد وانت لايج بمذرى= من عقب ما صليت ووترت يا سرور
والي تسوق مهيل الكيف حمرى=ربي فرقها با الوصايف عن الحور
لاساقت الفنجال كنك تمرى=في وجنتاً معها القمرماله الدور
والخشم سيف محولاً وسط غبرى=في شذرته دم اول القوم منثور
والعين عين اللي على راس وكرى=شيها نتاً هامت على البرق بحدور
والعنق عنق اللي مفا ليه قفرى=ضبي ارتبزمن ريح شملاه مذعور
والصدر بارز كنه اللي إتبرى=من ظلم خصراً يشتكي لك من الجور
وشعراًكما ليله من السود غدرى=لو ماتقصه للخطا صار عاثور
لا جت على صوت الهجيني تمدرى=وقامت تقضه عقب ماكان مضفور
وجت لك تلاعب فيه يمنى ويسرى=وحب العرق في صدرها مثل بلور
وان سولفت شعراً مقفا ونثرى=ودك تناطح هرجها بوسط الزور
وليا خرج لك من شفاتين جمرى=كن الضلوع اغصون والحرف عصفور

شـــاعـــرنـــــا الكبيـــــر

المبــــدع والمتـــألق دائمــــاا

منصور العثماني

صح الله لسانك على هالقصيده الرائعه والجميله
في نفس الو قت والزمان واللحظه
اخي الغالي
تقبل مني كل شكري وحب وتقدير

ابن بطيحان الجذلي

أقول صح لسانك وكثر قصائد العرب في القهوة دليل على عشقهم لها وتصل بعض المراحل على الادمان كما تعرفون وشكرا.

صح لسااااااااااااااااااااااااانك

منصور العثماني
يعطيك العافيه وقصائدك زادتنا ثقه بشعراء القبيله

ابو مروان
ابدعت في هذه الدرة
قد يكون من الظلم أن افكر في وصفك ايها الرائع
مزيداً من العطاء يا مفخرة المنتدى