راضي بظلم الوقت ،، وجروح الآيام

صغير ياجرح ٍ ، في قلبي له أعوام

بتزول ياهم ٍ ، سكن فالحنايا







راضي بظلم الوقت ،، وجروح الآيام

تكفير لذنوب الزمن ،، والخطايا







على الأقل ،، ماخاف لو جيت أبنام

مظلوم ،، لكن ماظلمت البرايا






وش عاد لو ماتت مع الوقت الأحلام ؟؟

رزقي على اللي ، مايمن العطايا








يقوم ،، ولا جعله الحظ ، ماقـــــــام

كسبت من دونه ،، خصال ومزايا









يمر عام وينتهي ،، ثم يجي عام

وتظهر حقايق يازمن ،، مع خبايا










رفيقك أللي كان ،، فالشده احزام ؟؟

يمكن يكون أكبر عدو ، فالخفايا










ماهي بلحية طيب ياوقت مادام !

صار الحسد ، يعكس سواد النوايا










أكره ماشوف ، الشخص لاصار نمام

وأبغض ماشوف ، أهل الحكي والوشايا









ناس ٍ ، دروب الطيب ، دايم لها ألهــــام

وناس ٍ مشت درب الردى والدنايا









كل ٍ على ذنبه ،، يُـحاسب ،، وينـــــــلام

في يوم ،، كل الناس ، توقف عرايا









لو يعلم الأنسان ،،، عن غدر الآيــــام ؟؟

يتوب عن فعل الغلط ،،، والخطايا

اللهَ


اللهَ



اللهَ



عليك


اعجبتني خصوصا


أكره ماشوف ، الشخص لاصار نمام

وأبغض ماشوف ، أهل الحكي والوشايا

وش عاد لو ماتت مع الوقت الأحلام ؟؟

رزقي على اللي ، مايمن العطايا


سلمت يداكي ...... رووووعه....

شـــــاعــــــره

صح لسانك



رفيقك أللي كان ،، فالشده احزام ؟؟

يمكن يكون أكبر عدو ، فالخفايا


ابدعتي وننتظر جديدك

يعطيكي العافيه
وصح لسانك

يعطيكي العافيه
وصح لسانك