قصيدة روعة عن المعاكسات بالأسواق ...

قصيدة عن المعاكسات بالأسواق للشاعرة ( بدر البدور )بعنوان ( غريب )

ياغريب يحسب إنه يعرف أطباع المدينة =وبطريقة شاف بنت ناظرت وأرخت هدبها
اشتكى حر الهجير وشمس تحرق له سنينه= روحه العطشى تحرّى مزنة تطفي لهبها
وسالت بوديان عقله جملة أفكار لعينة = بلورت له صورة تاه بخياله من سببها
صوّرت له نظرة تحكي غرام الياسمينة =واكتبت له كل بيت من قصيدة ماكتبها
بصوتها العذب الشجي الساحر بنغمة رنينه= افتحت له باب سحري أدخله عالم طربها
من شفاه بكرٍ تعزف نغمة ألحان حزينة =همسها ( جذوة ) يدفي قلبه البارد حطبها
وراح يتبع له سراب يخدعه يشعل حنينه=والعبت فيه الخيالات وتمادت في شغبها
واستبدت واخضعته وصار لأفكاره رهينة=وأزعج البنت وتمادى يوم حس إنه عجبها
ماعجبها بس فكره بالجموح الله يعينه= وكان يمشي وفجأته وراحت تنادي عربها
وشافها تكلم أخوها والأخو شافه بعينه =وأدرك الخطب الرهيب واطلق الرجل لهربها
وهـجّ وابعـد لين شاف البـرّ يفتح له يديـنـه= والسبـب بنتٍ تحطّم صبرها بمـوجـة غضبـها
والغريب اللي تعـدّى الحـد مع بنتٍ رزيـنـــه= ناظرت واغضت وظن ان ( الحيا ) رقصة هدبها

	والغريب اللي تعـدّى الحـد مع بنتٍ رزيـنـــه= ناظرت واغضت وظن ان ( الحيا ) رقصة هدبها اشكرك اشكرك اشكرك ولا تكفي هذا البيت هو عن قصيده اشكرك اشكرك اشكرك ودمت بهذه الذاقه

علي الهرفي

تسلم اخوي على النقل الجميل لقصيده جميله
دمت بخير
عبدالله

[اخي منصور العثماني]

جزاك الله خيرا على شكرك اياي وصراحة انا اعجبت بهذه القصيدة.........مثلك تماما

اخي عبدالله شكرا على مرورك

علي الهرفي

سلمت على نقل هذه المقطوعه الجميله

دمت بخير وموده