من باب ماليه عن الأمر صده

مشاركتي بحفل قبيلة بلي والذي كان تكريماً و رد ثناء لقبيلة عنزه عامه وللشيخ عبد العزيز الأيداء

.
.

من باب ماليه عن الأمر صده = في ماقفاً تنشف حلوق الرجاجيل
الحق سيفه مرهفاً حد / حده = وعد التنازل والليالي مقابيل
والدرب كايد والقدر مانرده = والعزم في روس الرجال المشاكيل
أسرج على اللي مانزل سوق جده = مظمراً ماهو مع الهجن والخيل
حراً نعده مانقص يوم عده = يمشي على مظمار مافيه تحويل
واول مقام الحر دعوى مجــده = مسراه حول الجدي ويباري سهيل
نوض الهجوس بليلة(ن) مجلهده = فوق العوالي سحبها تنذر السيل
انقا منقا والرسن مايصده = يستاهل الميقاف جمله وتفصيل
أسبق من اللي جهزوها بعده = من مدرج الاقلاع تقبس قناديل
تاخذ علو ومابه هبوط نده = مسارها واحد ولا فيه تبديل
من راسي اللي مارتخا للمخده = في لجة الأفكار لا جرهد الليل
ينصاء رياض العرب عز ومسده = مزبن هل الحاجات ريف المقابيل
حمله ولاء للعاهل اللي نوده = خادم بيوت الله عن الحق مايميل
مزناً تعلاء والمطر في مشده = ضافي على كل الجزيره هماليل
كل العطاء من سيدي نستمده = من كفه اللي يبعد الهم ويزيل
اخل سرور الفرح قلوباً بشده = بين الرجا والياس ليلاً باثر ليل
كفكف دموعاً بالكدر مصرهده = تجرح خدود ام اليتامى المكابيل
قايد مظفر كلنا ضد .. ضده = نفداه بالاروح جيلاً باثر جيل
وعهد الوفاء في كل يوماً نرده = نعاهده باخلاص ماهي تماثيل
أرسل مناديبه على الفور وده = علم الوفاء بين الرجال المصاقيل
وقام الأمير برحلةٍ مستعده = بهذا الخصوص يكمل الوضع تكميل
وتركي وفاء ومرافقينه بيده = شيوخ العرب لصار شرب الفناجيل
الشيخ الايداء وابن عزر بحده =نعم الرجال اللي تسوق المحاميل
وعبدالعزيز اللي بنو مايهده = الصيرمي مقدم البن والهيل
قال ابشرو والشر بابه نسده = من فضل ربي نقفل الشر تقفيل
الوايلي من فيه مثله وقده = عتق الرقاب بمحكم الحق تنزيل
ايمان صادق والعزم فوق حده = والاجر من ربٍ عليه التساهيل
اليوم حنا فوقها مجرهده = وبكره تحتها وأنظوى كل ماقيل
ماباقي الا اللي يدينا تمده = ويقّبله ربي موفي الوزن والكيل

* حمود سلمان بن مخيلي السميري

شاعرنا الكبير / حمود سلمان بن مخيلي السميري
ليس بغريب عليكــ مثل هذه القصيده فأنت شاعر مواقف وشاعر جزل حظوركــ يعني حظور الحكمه والجزاله والشعر الحقيقي
أبو رائــد ..
أنت شاعر ميدان وشاعر ديوان و أعلم بانكــ ليس بحاجة مقدمات واطراء وخاصه من شخص يعتبر من تلاميذكـــ .. ولكن أحببت أن أسجل حظوري بهذا المتصفح مع الشكر والتقدير لكــ شاعرنا القدير

ولا نقول الا ...


المواقف تبيّن للرجال / الرجال
.................. و بيض الله وجه الشيخ عبدالعزيز





تحياتي


عايد السميري

تسلم تسلم
والله يعطيك العافيه

كلام جزل من شاعر جزل

تقبل مودتي

صح السانك
يعطيك العافية

صـــخ لـــســـااانك على هالقصيدة الرائعة .............

اليوم حنا فوقها مجرهده
وبكره تحتها وأنطوى كل ماقيل

الله يرحمنا برحمته
قصيده رائعه من شاااعر جزل