درووووب القـــلــب؛؛؛؛؛؛؛؛؛؛؛؛؛

دروب القلب

لا والله الا في دروب القلب عذبت الركاب
= شديت ركبـي يادروبي ومتطيت اصايلـــه

اخذت من عزمي روى واخذت من قافي زهاب
= قافٍ يسليني وانا مع ها الدروب الطايله

واخذت لي صوله وجوله في ميادين اللرحاب
= وكلٍ بفكره مهتدي لونــه يضيع القايلـه

الى برق برق الشمال احسب له مية حساب
= والى برق برق الجنوب اسهر معه واخايله

ان غبت افكر بالغياب وفـي مغبات الغياب
= واللي سمع لحكاي واللي ماسمع لحكايلـــه

اخشى على جاهل يحسب إن الخطا مثل الصواب
= مايدري ان المستهديه غيردرب العايله

لولاي امنّي خاطري بالفوز بأجر الاحتساب
= ونّ السعـاده ما تـدوم وكل شـــده زايلــه

ونّ الله الهـادي لمنّي قمت اناجيـه استجاب
= ونّ الله الحافظ من ادروب الضلال المايله

ونّ الامور مدبره والعبد بين اخطا وصاب
= ونّ ابـن آدم ينفعــه مـن العمل فضايلــــه

ونّ العمل خيره وشره لايغادره الكتاب
= والصدر صندوق العمل تلقى بها حصايلــــه

ونّ العمـار اللـي بها الدنيا بيقفاه الخــراب
= ونّ البروج اللــي تعانق للسما ء متهايلــــه

ونّ البشر كل البشر هذا تـراب من تراب
= ونّ الحيـاه اللي علـى هـا الكون لله آيلـــه

ونّ الحياه اتهون من بعد المروه والشباب
= ونّ العـزائم فـي عقاب العمر غيـر اوايلـــه

ونّ السعاده والهناء بالفوز في اعظم جواب
= الفوز في اعظم جواب اللي يخوّف سائلـه

ويوم إن حظي مـد حبله في سبيل الاحتطاب
= اللي حوا حبلي من المقسوم جبته شايله

ود ي لو إن الحظ سهل لي عسيرات الصعاب
= والـى سريته ولعت لي بالدجاء فتايلــه

ودي تجي نفايلـه من كل صوب وكل بـاب
= لعلها تستر علـى بعض الرداء نفايلـــــه

ولاني مزكي راس مالا مايجي قدر النصاب
= واللـي يريد المـدح دايم تمدحه فعايلـــه

يارب عفوك ياكريم الوجه واليك المتاب
= استغفـرك يارب من كل الـذنوب الهايلــــــه

الله أكبر






والله أستمتعت بهذا النص يا أبو كرم
درووووب

يزينها علام الغيوب


صح لسانك وسلم فكرك يا شامخ
ويشرفني أن أكون أول من رد


طابت أوقاتك

صح لسانك مدد بلاعدد دايم
رائع شاعرنا القديرعيد قيضي الوابصي
دمت كماتحب

صح لسانك
وانتضر الجديد

ونّ الامور مدبره والعبد بين اخطا وصاب= ونّ ابـن آدم ينفعــه مـن العمل فضايلــــه
ونّ العمل خيره وشره لايغادره الكتاب= والصدر صندوق العمل تلقى بها حصايلــــه
ونّ العمـار اللـي بها الدنيا بيقفاه الخــراب= ونّ البروج اللــي تعانق للسما ء متهايلــــه

صح لسانك يابو كرم

ماهو غريب على عليك الابداع

لك ودي وتقديري

عيد قيضي

ونص شامخ بكل ماتعنيه هذه الكلمه من معنى


شاعرنا



صح لسانكـــ ودمت بهذا التألق


تحياتي