الدّين تاج(ن) فوق راس المفاهيم

مليار عندي وإلا عندي مَلاليم=في قصر اسكن وإلا في ظِلْ خِيمَه
مخلوق أعبد خالق الغيث بالغيم=ادعي وانا أدري رحمة الله عظيمَه
مِن عاش ظالم وإلا عايش بَهَ الضيم=ميزان عبد(ن) بين ظلمه و ضيمَه
وشلون قبل المال نرفقله الجيم=لامِن فقير(ن) ياخذه أو يتيمَه
أُطلُبْ رضا الله دون زيف(ن) و تغييم=فِعْل الخَفى للخير يعطيه قِيمَه
متى يكون الطيب في الناس تسميم=لَمّا الممنّه تِفْقِدَ الطيب شيمَه
متى نحس النّاس تحتاج تقييم=لمّا الأمانه في بعضهم عديمَه
لاشفت منهو دون ذمّه و تحريم=عَطْه الأمانه و العواقب وخيمَه
ياحظ منهو نام ضمن المظاليم=ما نام خاين و إلا ظالم ظِليمَه
وشلون أرمم بيت يحتاج ترميم=سِقيم ساس البيت وارضه سقيمَه
نفوس بعض النّاس تحتاج تعقيم=ونفوس بعض النّاس ماتت عقيمَه
الدّين تاج(ن) فوق راس المفاهيم=والفهم كنز(ن) في العقول الفهيمَه

من ابياتي

خالد البلوي

الاخ العزيز الشاعر خالد

الحقيقه يابو ريما انها ابيات عظيمه قمه في الجمال والابداع

صح لسانك ملايين يابو ريما

ووفقك الله لكل خير

وتقبل سلامي

ابا ريما


نص مدهش بكل تفاصيله ويتحدث عن واقع مرير


فالخيانه والفساد أمر استشرى بين معظم العباد


قرأت القصيدة واستمعت كثيراً


لك وافر التحية والاحترام

رووعة
صح السانك ابو ريما ابيات من ذهب

أخي القدير مقرن البلوي

صح بدنك

و حضورك الجميل اغلى من الذهب وكل كنوز الأرض




ودي و تقديري

صح لسانك اخي الشاعر/ خالد علي السحيمي وبارك الله فيك

صح بدنك اخوي القدير مشعل السرحاني والله لايحرمنا روعة حضورك




ودي و تقديري

بارك الله فيك يابو ريما دائماً مبدع
نص جميل لشاعر خلوق

الله يبارك فيك يااااااااااااااااااارب

أخي واستاذنا القدير ابو سامي

حضورك بين كلماتي فخر

وكلماتك وسامٌ على صدري

ولاجمال يفوق جمال قلبك




ودي و تقديري

صح لسااانك ابو ريما


الله لا يهينك نبي قصيد عن الغزل :d >>> نظام شياب

هلا والله بالغااااااالي

صح بدنك

وابشر بالقصيد وصاحب القصيد تحت امرك


واشتقنا لشوفتك وانا اخوك

ونتمناها قريب بإذن الله




ودي و تقديري