هذي تبوك الورد للورد بستان

‏بحر المعاني و القوافي و الاوزان=وِدْنا ندوِّر فيه صيد القصيده
يالله تَقسِم صيد شاعر و عشقان=لجلك تبوك الورد ودِّي أصيده
كل الأهالي فيها ربعٍ و جيران=والحب يسكن في القلوب السِّعيده
شمال غرب المملكه كان ما كان=تاريخ حافل و الشواهد عديده
سَمُّوها مَديَن و الاَّ بالأمْسِ دادان=تاريخ شاهِد من سنينٍ بعيده
عينٍ و فاضت فيها صارت لها شان=لمّا لِمَسها سَيِّد الخلق بِيدَه
التوبه مسجد فيها شامخ من ازمان=صلَّابَه اللي كل مسلم يريده
مَمشَى حجيج التّرك في أرضهَا بان=أرضٍ لقينا فيها باقي حديده
فيها آثار التّرك من عصر عثمان=فيها قلاع التّرك بانت فريده
المجد باقي من زمانٍ الى الآن=والمجد ورثٍ كل جيلٍ يعيده
هذي تبوك الورد للورد بستان=يالله خيرك في سِماهَا تزيده
فيها حضارة فِكْر عايش بإنسان=الدِّين سَاسٍ فيه ينبض وريده
الله يُولّي عالمواطن و الاوطان =منهو يخافَ الله فيهم عبيده

خالد البلوي