بستان إحساسي

إذا همٍ و غمٍ زار قلبك=وضاقت فيك هالدنيا الوسيعه
تِصدَّق لو قليل لوجه ربِّك=تزول هموم من صدرك ضليعه

خالد

ولا حتّى صباح الخير=مِنْك الصبح تاتيني
ولا حتّى مسائك غير=في ليلي و تاويني
ذنبي مِنْكِسِرْ و آطير=جرحِك بس يداويني
رغم بُعدِك بَعَدْ باغير=واصرخلك وحشتيني

خالد

ياليتني سوَّاق عِندك وانا آسوق=مِن دون عِلمِك المَحِك في المِرَايَه
اغير لامِنْ طَلّتِكْ هَزَّت السوق=اغير حتَّى مِنْه حِضنَ العبايَه

خالد

صباح الشوق للأحباب=صباح الكيف و الدلَّه
صباح الأخذ بالأسباب=صباح يسامح الزلَّه

خالد

لَجْلِكْ يارُوحي قبل عيني انا تروح=شوفيه قلبي لِك يودع يسلّم
شوفيه قلبي ساكتٍ داخله بُوح=شوفيه قلبي كيف قلبِكْ يكلّم

خالد

وَعْد مِنّي لِكْ بَعَدْ روحي اخون=بَسْ خيانه غيري محد(ن) خَانَهَا
مع رموشِك ودّي امنَعْها العيون=لا لْتِقَتْ غيري اغض لسانَهَا

خالد