جانا يمشي في تباهي قال انا بأرضي أمير

جانا يمشي في تباهي قال انا بأرضي أمير=كِل شَي(ن) في حياتي مِثْلِ ماودِّي يِصِير

قِلْت دَامِك في حياتك كِل شَي(ن) تَقْدَرَه =وِدِّي اطلب مِنْك شَي(ن) يمكن لمثلك يِسير

في غرورٍ في تعالي قال قُول اللي تَبِي=ماعلى مِثلي صعايب ماعلى مثلي عَسير

مثل مايمدح مُنافق حتَّى ظُلمِك قِلتْ لَه =وِدِّي يدعي لِك يتيم(ن) في غيابِك أو فِقير

الإماره ماهي حُكم(ن) فيه تظلم للبشر=الإماره في حياتك يوم يحكمها الضِّمير

كِلْ شَي(ن) في حياتك بعد موتك ينتهي=إلا خيرك في حياتِك في مماتك لِك سفير

الإمارة ماهي كذبٍ أو خيانه أو نفوذ=أو إهانه للمواطن عاش في ظُلمِك أسير

إتَّق الله وتأمَّل واعتبر مِمَّا حَصَل =كم كبيرٍ في زمانه صار في أرضه صغير

خالد البلوي

جانايمشي بتباهي قال انا بارضي ياامير(صح لسانك ياامير قصيده رائعه وقوافيها احلى دائما عند حسن ظننا بك ياخالد)

ماشاء الله عليك .,. صح لسانك .

صح لسانك يابو ريما

لك خالص ودي وتقديري

كم كبيرٍ في زمانه صار في أرضه صغير

صح نبضك واحساسك

الله الله
تتحفنا دائما بابياتك الجميلة ابو ريما
نص اقل مايقال عنه روووعة
صح السانك ولاعدمناك