بسم الله ابدا أول كلامـي وتاليـه==اللي من اهل الشرك منقذ خليله
والكون ملكه والتصـرّف باياديـه==رازق عباده بالعطايا الجزيلـه
قلت آه من شيـاً بقلبـي مخبّيـه==ماابديه لو إن القلب يشكي غليله
يابو جميل القلـب كافيـه مافيـه==واظن غير الصبر مامن وسيله
الصبر له عقبى عظيمـه لقاويـه==الله يشافي كـل نفسـاً عليلـه
ولايشغلك قلبـاً كثيـره طواريـه==الشرح يكفي عن كثيره قليلـه
ومن لاوثق بالغير مالك ثقه فيـه==ومن كال نقص الناس غيره يكيله
من يعمل المعروف يجزى حسانيه==والله غير أظهر ثنـاه وجميلـه
ونشاركه بالـدم والـروح نفديـه==وندراه مانرضى عليه الفشيلـه
الناس في كون الفضا عسكروا فيه==والعمر يفنى والليالي طويلـه
الوقت هذا ميّـت القلـب يغويـه==ومن لاحسب للغدّ واعزتي له
عزّي لمن يجهل لزومـه وعانيـه==حمله رماه وحمل غيره يشيلـه
الرجل لـه لازم يهمّـه ويعنيـه==لوازمٍ صعبه ولاهـي سهيلـه
كلامـي الفاهـم يفسّـر معانيـه==اللي يشيل أخفافهـا والثقيلـه
وصلاة ربّي عـدّ مـرّت لياليـه==وإعداد مادّن الرعد بالمخيلـه
على نبيـاً كـل ماحّـل طاريـه==اللي شرع بالدين واوضح دليله


>< عضيـــــد ><

الكلمات احيانا تقراها وكأنها تُحدثك

رائع هو اختيارك والاروع نقلك لها

في منتهى الروعه

وصح لسانك ولسان شاعرنا محمد بن حمدان اللوط البلوي

رعااااك الله ويعطيك العافية

احترام
اخوك
يمكن غلا