[قصيدة]على هامش تبوك

والله اني قبل أشوفك ياهوى الخاطر سعيد=عايش مثل قولك لي على هامش تبوك
لاشغل بالي هنوف ولا ترانيم وقصيد= ولاشغل بالي سؤالي هم يبوك أو ما يبوك
مادريت الحب حاكم ظالم ساطي لهيد= يستجرك لين تسكن بين تكفا وبين عوك
يستزل الرجل فخه لين يعقدها بقيد= ان طلبت الود عيا وان سليته قال دوك
يعيشك داخل شكوك وان نحي عنها بعيد= واقسا انواع الصعوبه عيشتك بين الشكوك
أدري ان الصبر عنك والعزا راي سديد= والصبر ينفعك حتى في ممات امك وابوك
وانا ترى الصبر مبطي حاسبه عندي رصيد= ان سامر العلات ليلي اتريق به فكوك
المشكلة انك غير امي غير ابويه بالأكيد= فيه شي بالحشا دايم على شوفك لكوك
أحسب انه كذب قولت شوفت المحبوب عيد = والله انه عيد شوفت من على العشقه بغوك

عز الخوي


لا أدري عند أي بيت منها أقف ؟

لكنني ساقرأها كل ما مررت من هنا

ما أسعدها من لحظة التي أتت بك الى هنا ..