حفل الشيخ علي زيدان الهرفي

وكان للشاعر


عبد اللطيف الحمراني

مشاركه عباره عن قصيده كما هي عادته في مثل هذه المناسبات
قالها بالشيخ علي زيدان الهرفي
حيث قال:
بعد ماتكللت العملية الجراحيه التي اجريت للشيخ / علي بن زيدان الهرفي البلوي [ اخو نهايه ]
بالنجاح وخروجه من المستشفى مشافا معافا ولله الحمد ولأنني أكن لهذا الرجل ولأبناءه ولأبناء عمه ولعشيرته كل الحب الصادق والاحترام والتقدير أحببت ان اشاركهم فرحتهم بشفاء الشيخ / علي بن زيدان الهرفي بأبيات بسيطه .

_

_



لاباس ياشيخ به الراس مرفوع
ياهامة تسمى على كل هامه ..!!

ياخو نهايه يادوى كل موجوع
الحمد لله قومتك بالسلامه ..!!

ياشيخ ماجيتك ابي اي موضوع
جيت اشهد انك تستحق الزعامه

قبلك ابوك مطوع الكايده طوع
طنخة فعل تسبق طناخة كلامه

وربعك لهم بالمجد ديوان مطبوع
بالمرجله حزتو على اكبر علامه

تاريخكم مثل القمر حزة سطوع
يضوي على الي ماشي في ظلامه

اهل الكرم يوم المخاليق في جوع
الضيف يلقى حشمته واحترامه

يقلط على حيل وفناجيل وقدوع
والا على الي معتدل في سنامه


و يوم ان قدح النار له ناس وربوع
انتم لها ياوارثين الشهامه ..!!

هروف واحدهم عن افواج وجموع
ياسعد منهم بالمواقف حزامه ..!!

صغيركم لاشاش بالموقف يثوع
طش العقال وثم طش العمامه ..!!

هذا كلام الصدق ماجيت مدفوع
والي يغش الناس قل احترامه ..!!


ياشيخ ماجيتك ابي اي موضوع
جيت اشهد انك تستحق الزعامه ..

ياخو نهايه يادوا كل موجوع
الحمدلله قومتك بالسـلامه ..!!


واسأل الله جل في علاه ان يمتع ابو زيدان بالصحه والعافيه وان يطيل في عمره ..!

ابنكم / عبداللطيف محمد الحمراني