قصيدة غزليه ( يا وجد قلبي )

يا وجد قلبي وجد حرٍ على الحوم ::::: من سو حظه صاحبه ما يهدّه

دايم مبرقع ما فهق عنه لو يوم ::::: والسبق عن فل الجناحين ردّه

من كثر رزه بالمجالس ومكتوم ::::: صابه مرض جدره وبالرجل سدّه

على الذي من شوفته صرت محروم ::::: كني يتيمٍ جرّح الدمع خدّه

من غاب عني ما طرق جفني النوم ::::: ونفسي غدت عن لذة العيش صدّه

حالي غدا من كثرة الهم مسموم ::::: حتى الشهر ما اميّز اسمه وعدّه

قضيت لي عامين ضايق ومهموم ::::؛ همٍ يغربلني و حيلي يهدّه

خياله اللي داخل العين مرسوم ::::: خلاني اعمى والنظر فيه حدّه

من يوم قفّى كن في صدري سهوم ::::: من بعد ما اقفى بيّح القلب سده

اقفى وانا من بعده اطيح واقوم ::::: روّح ويبقى داخل القلب ودّه

لكنّ ما جاني مقدّر ومقسوم ::::: ورضيت بالمقسوم جزره ومدّه

كلمات : فيصل بن رفاده

حظور ونص رائع صح لسانك يافيصل

و

وكل عام والجميع بخير

لكنّ ما جاني مقدّر ومقسوم ::::: ورضيت بالمقسوم جزره ومدّه

صح لسانك يافيصل ...... راااائعة

حظور ونص رائع صح لسانك يافيصل

و

وكل عام والجميع بخير

صح بدنك يالغالي والاروع مرورك

لكنّ ما جاني مقدّر ومقسوم ::::: ورضيت بالمقسوم جزره ومدّه

صح لسانك يافيصل ...... راااائعة

صح بدنك يالغالي والأروع مرورك

لكنّ ما جاني مقدّر ومقسوم ::::: ورضيت بالمقسوم جزره ومدّهالله عليك روعه وصح لسانك