أسواق جده

سلام مني يا هل الطيب والذوق
سلام يشدا للعسل في مذاقه

اليوم في جده ومريت للسوق
رحت اتسوق واشتري منه باقه

ركبت سلم كهربه طالعن فوق
وأخذت لفه و أتمشى برواقه

السوق زحمه فيه عاقل ومطفوق
من بين كل الناس مالي علاقه

ماشي لحالي ما معي فيه مخلوق
ابغى اتسوّق ما أدور صداقه

وشفت الظبي يمشي بخطوات غرنوق
واثق بخطواته ولا شي عاقه

من يوم شفته زاد في قلبي الشوق
وزاد الولع فيني بزود اشتياقه

اقبل علي وكن في عينه بروق
من يوم قرّب زاد قلبي طفاقه

اقبل علي وقال في حسن منطوق
اشوفك لحالك غريب اللياقه

اشوف لبسك ثوب وشماغ مرموق
والناس تلبس جنز مفتوق ساقه

قلت ابدوي والبدو ملبوسهم لوق
حشمه وشيمه واحترام وطلاقه

قالت تعال انلف لفه بهالسوق
ان ما شرينا شي نكسب لياقه

قلت ابعدي عني ترا القلب مخنوق
والحب مالي فيه قدرة وطاقه

خلك بدربك عل ما تواجه العوق
القلب متغربل بليا لحاقه

واقفى وخلا القلب كنه بمعلوق
من زين هرجه ما بغينا فراقه

الحمد للي ابعده دون ملحوق
وخلاني انسى نظرته واللباقه

كلمات : فيصل بن رفاده

صح لسانك قصيده روووعه
سلامت قليبك

صح لسانك على القصيدةالجميلة والله يعطيك العافية

سلام مني يا هل الطيب والذوق
سلام يشدا للعسل في مذاقه

اليوم في جده ومريت للسوق
رحت اتسوق واشتري منه باقه

ركبت سلم كهربه طالعن فوق
وأخذت لفه و أتمشى برواقه

السوق زحمه فيه عاقل ومطفوق
من بين كل الناس مالي علاقه

ماشي لحالي ما معي فيه مخلوق
ابغى اتسوّق ما أدور صداقه

وشفت الظبي يمشي بخطوات غرنوق
واثق بخطواته ولا شي عاقه

من يوم شفته زاد في قلبي الشوق
وزاد الولع فيني بزود اشتياقه

اقبل علي وكن في عينه بروق
من يوم قرّب زاد قلبي طفاقه

اقبل علي وقال في حسن منطوق
اشوفك لحالك غريب اللياقه

اشوف لبسك ثوب وشماغ مرموق
والناس تلبس جنز مفتوق ساقه

قلت ابدوي والبدو ملبوسهم لوق
حشمه وشيمه واحترام وطلاقه

قالت تعال انلف لفه بهالسوق
ان ما شرينا شي نكسب لياقه

قلت ابعدي عني ترا القلب مخنوق
والحب مالي فيه قدرة وطاقه

خلك بدربك عل ما تواجه العوق
القلب متغربل بليا لحاقه

واقفى وخلا القلب كنه بمعلوق
من زين هرجه ما بغينا فراقه

الحمد للي ابعده دون ملحوق
وخلاني انسى نظرته واللباقه

كلمات : فيصل بن رفاده

الله الله صح لسانك اخونا وشاعرنا الجميل فيصل بن رفاده


و ياليت تشرفنا بشوفتك إذا زرت جده بالمرات الجاية

معزوفه شعريه جميله
شكراً لك

صح لسانك على هالأبيات.............