بيت ومعنى .. للشاعر صويلح صالح العبيلي

قصيده لشاعر الفتل والنقض والنظم .. الشاعر / صويلح بن صالح العبيلي

-------------
سر ياقلم واكتب من الشعر معنا...
يبقى تاريخ وكل واحد يقوله .

يا الله تصلح شاننا ومجتمعنا...
واليا صلح ساس البنا زاد طوله.

ثمين تصلح زرعنا اللي زرعنا...
وتحميه من عين الحسد لاتنوله.

لعلنا لاهل الشفاعه شفعنا...
ويشفع لنا اللي بعدنا في وصوله.

حنا بدنيا زاد فيها طمعنا ...
ناسن تقدر ناس لاجل السيوله.

ذولا سنعهم يختلف عن سنعنا...
ويمكن عن اللازم تجيهم ذهوله.

وسلوم اهلنا اللي عليها طلعنا...
تبقى لنا نبراس في كل جوله.

حنا بنص الدرب عيب ان رجعنا...
مثل الجمال اللي تشيل الحموله.

هذا الكلام ويفهمه من سمعنا...
حيث المراجل ماتجي بالسهوله.

صح لسان الشاعر /صويلح العبيلي
الله يعطيك العافية ياثاقب على النقل

صح لسان الشاعر و لسانك

صح لسانه شاعر معنى ومشكور على اتحافنا وامتاعنا بقصائد جزله وهادفه

رائعه رائعه رائعه وتشكر يابو محمد

شاعر متمكن وعنده اتجاه وهدف امتعنا واروانا شعرا لله دره