رااااائعة الثبيتي

🌹🌹رااااائعة🌹🌹

كل بيت في هذي القصيدة درس مستقل من دروس الحياه


من لا يقاسم فالطعام الذيابه
يموت جوع ولقمته مشتهيها
ومن طق باب الناس ينطق بابه
و يذكّرونه في علومِ نسيها
ومن لاتفقد كل جابه وجابه
لا جاته الزلات يصبر عليها
ومن لايثمن فالمجالس جوابه
الطيّبه يبطي وهو يحتريها
و اللي يضيع فالملاقا ركابه
يجلس ويتركها لمن يمتطيها
ومن لايصد القوم ماينغزى به
والنايفات يموت ما يعتليها
واللي يسولف في ظهور القرابه
اخير منه اللي تحني يديها
واللي يقيّل في بيوت الخرابه
لو تطرده منها يروح ويجيها
وان مات والا عاش محدٍ درى به
يجهل علوم الطيب لو يدعيها
ومن لايهاب الناس محدٍ يهابه
ويرضى بها من هو لغيره رضيها
واللي يحسب الرزق يؤخذ نهابه
اليا انهبوه القوم لا يرتجيها
ومن لايفصّل فوق جسمه ثيابه
ياشين لبستها بعد يشتريها
والفعل يفرق والملامح تشابه
ولا للمواقف غير من يحتميها
واللي كلامه سيف صدره نصابه
و قدام ينطق كلمته يحتسيها
وكلن تسجل سيرته في كتابه
اما لها و الا تسجل عليها


الشاعر مطلق الثبيتي رحمه الله🌹🌹🌹🌹🌹🌹🌹مساااالخير🌹🌹🌹🌹راااائعة الثبيتي

قصيده رائعه فيها من الحكم الشي الكثير
شكراً ابو فيصل على النقل

مشكور على هالنقل الرائع...........

قصيدة رائعة تحمل معاني كثيرة
رحم الله الشاعر مطلق الثبيتي
والله يعطيك العافيةعلى النقل