الله اكبر كبرو ياهل الجزيره@كبرو شوفو بروق النصر ﻻحت

الله اكبر كبرو ياهل الجزيره
كبرو شوفو بروق النصر ﻻحت

نحمد الله والنصر جانا بشيره
من عدن جتنا علومه يوم راحت

شوفو الحوثي ترنح وش مصيره
راحت اعلومه وبنت ايران صاحت

بعد ماذاقت من العلقة كبيره
انكشف سرن تكنه يوم باحت

يوم سلمان الحزم حرك مسيره
لليمن شفنا عزوم الفرس طاحت

بعد ماغارت عليهم تقل نيره
ولعت فيهم وللدم استباحت

ذاقو المر المرير بكل ديره
وشربو علقم وريح الموت فاحت

ترتعد طهران بالموقف حسيره
ليتها من قبل نامت وستراحت

مالها حيلة وصارت وسط حيره
جربت فعل العرب بسنين راحت

الله اكبر والنصر جانا بشيره
من عدن جتنا علومه يوم راحت

كلمات/محمدسليمان العرادي البلوي

صح لسانك يالشاعر

صح بدنك ومشكور على المرور