قصيدتي ماهي بتموز وشباط

مجلس مايحشمني مالي فيه مقلاط
لوهو لربعي مجلسي فيه خاطي
حذراك عن بعض المخاليق تحتاط
لن البشر فيهم منافق وواطي
وقت السعه تسمع سواليف وهياط
ووقت الزوم يصير مافيه ساطي
شين طبيعي حاصل بكل الاوساط
ناسن صحاح وناس فيها انحطاطي
اول من التفكير صايبني احباط
والحين لا والله قطعت ارتباطي
اهرج مع الخراط واصير خراط
دام السوالف مثل حذف القواطي
واهرج مع العاقل ولاعد الاغلاط
واخذ معه با القول كل احتياطي
قصيدتي ماهي بتموز وشباط
تعبت فيها لين جت بنظباطي

الشاعر/ مسند بن دعيس البلوي

صح السانك
ويعطيك العافية

صح لسانك يابو دعيس
رائع دائما

صح السانك
ولكن رغم ردأة اطباع الناس لا يجب ان نماثلهم

روعه القصيده تعبر عن كل مجتمع فيه كل الانماط . لكن لابد من الترفع عن هولاء بدون مجارة لهم قصيده ررررائعة جدا يعطيك العافيه

صح لسانك قصيده فعلا معبره