ردية بين الشاعر / مسند بن دعيس وعوده مريخان

مسند دعيس
ياعوده مريخان يا الشاعر اللي
شاعر كبير ومن رجال العداله
ياشاعر الجمهور بالله قلي
ضيعت صكي كيف ادور بداله
مثلك فطين وعارفه مايزلي
لاكن يمكن جاء بدالك وشاله
دورت با الارشيف ماله محلي
حتى انجبرت اشوف واحد بداله

رد الشاعر /عوده مريخان
يابن دعيس العلم حقك وصلي
ياللي بديت العلم تاخذ بداله
ماشفت انا صكك ولاجاء محلي
وانت رجل فاهم تعرف الرساله
ان راح منك الصك ياهيه ياللي
نعطيك غيره والدعاوي سهاله
ان كان قلت الصدق للوضع حلي
تعلن وتاخذ صك ماهي جماله
مهضم حقوق الناس لو ربع ملي
من يظلم المخلوق حالته حاله
وانا رجل فاهم صايم مصلي
ماكل برق يلوح نتبع خياله
وانا ذرا لك وانت برضك ذرالي
بيني وبين ابوك قدر وزماله

صح السانكم جميعا