رد مع اقتباسعبدالكريم الصويدر
مشكور على هذه القصيده وودي تخبرنا من قائلها
[قصيدة]مضارب قضاعه
مضارب قضاعه
_____________
أشتقت لك وانا ديـــاري بعيــــده=ودي بشوفـك ياهـوى البال ساعــــــه
ودي بشوفك لو دقائق عديــــــده=وعن شوفتك ماعاد عندي مناعـــــــه
انا بجـده وانت بديار جيـــــــــده=متربعن بقصى مضــارب قضاعـــــــه
والبعد ينحى والليالي عنيــــــده=والبعد هـو سـاس الجفاء والقطاعـــــه
نسعى وياعـل المساعي حميده=بالعالـم اللي ضاق رغـم اتساعــــــــــه
والله بخلقـه يفعل اللي يريـــده=كم مركبن بالبحــــــر زوع شراعـــــــه
والعمر يفنى والليالي جديــــده=لوطال يقضي لو حصل له متاعـــــــــه
يازين حبك صار مثل العقيــده=قلبي وديعك لاتضيع الــــــوداعــــــــــه
اطـوه تصرف فيه مثل الجريده=بـس انتبه تـكـثـر عليــه الطباعـــــــــه
تراه ينزف والدماء من وريده=من جور صـكات الدهـر وارتماعـــــــــه
خلـك على سيدك وخله بسيده=راعه بعينـــك ياهوى البال راعـــــــــــه
تراه لحم ودم ماهـو حديـــده=ماتكتـشـف مافيـه حتى الاشاعــــــــــه
ماله غـيار ألـياء تملا صديده=أسـئـل وزير الكهرباء والصناعـــــــــه.
.
عبد الكريم الصويدر
عبدالكريم الصويدر
مشكور على هذه القصيده وودي تخبرنا من قائلها
عبدالله بن مساوي
رد
الاخ ابن مساوى
بعد التحيه وفائق الاحترام
لك مني جزيل الشكر على ردودك العطره 00 اما القصيده مضارب قضاعه فهي من قصائدي وجميع القصائد المدونه بالمنتدى والتي كتبتها فهي ايضا قصائدي ---- وعندما اقوم بكتابة قصيده لغيري فسوف اكتب شاعرها حفضا للحقوق 00 ودمت بخير
عبدالكريم الصويدر
عبدالكريم الصويدر
ونعم فيك واشكرك على سرعة التوضيح ولك مني فائق الموده والاحترام
عبدالله بن مساوي
شكرا للاخ الشاعر عبدالكريم الصويدر على هذه القصيدة المعبرة عن الحنين للديار ونتمنى لك المزيد
اخوك القضاعي
رد
اخوي القضاعـــــــــــــــــي
شكرا من القلب على مشاعرك الطيبه ودمت بعافيه
اخوك - عبالكريم الصويدر
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
هذا الموقع برعاية
شبكة الوتين
|
المفضلات