قصيدة البـــشــــوت

الملف الشخصي · 08-25-2005, 05:22 AM

هذي قصيده للشاعر / عبدالكريم سليم ابن صويدر البلوي

ناسا تجر بشوتها من عناها = لا محصله مكسب ولا محصله لون
تبغاء الرياسه من خلاها بخلاها = دائم وراع البشت عائش في ظنون
لو كان يعرف جودها من رداها = ماحطها ساعه على المتن مظمون
البشت تال الوقت قلت حلاها = يحطها عاقل وجاهل ومجنون
ياليت راع البشت يطوي اعزاها = يكبها للي بها صار مفتون
يرتاح والدنيا أدور رحاها = في كل يوم يصير تغيير بالكون
هذي ليالي ما عرفنا مداها = فيها عرب تضحك وبه ناس يبكون
ماتنعرف في وجهها من قفاها = تضحك وتبكي والاوادم يشوفون
الرابح اللي باعها ماشراها = يزهد بهدنيا على ما يقولون
قدام نارا تحرق اللي وطاها = وشلون يوم الحشر وشلون وشلون
في يوم تجزاء نفوسنا في جزاها = وكلا في أعماله مقيد ومرهون
ويالادمي دنياك وش منتهاها = الدائم الله والخلائق يموتون
كم واحدا له حاجتنا ما قضاها = امسى مع الحيين والصبح مدفون
ماهو بداري قربها من مداها = سبحان من بأمره تصاريف هالكون
دنيا مايعرف غيضها من رضاها = والناس فيها دائما يستغرون
تاخذ وتعطي والمشاكل معاها = واليا أدبرت ترث على الكبد بطعون

ابن صويدر