الله يوفقك ياياسر على القصاائد الجميله جدااااااااااااااااااااااااااااااااااااااااااااا
البارحه مرت عليه تفاكير = لو مرت أكبر ضلع يمديه منهار
قامت تواردني هجوسي طوابير = شياً خفي وشي ملفت للانظار
وامسيت من كثر التفاكير ماسير = حتى على الجيران ماريد مسيار
واتابع الونات واخفي عن الغير = اخاف من هرجة حسوداً وثرثار
واتعب رجليه بكثر المشاوير = على المراقيب اتردد بتكرار
ما فارق المرقابه الصبح وعصير = مثل الرقيب اللي عن القوم سبار
وهموم قلبي واردات ومصادير = غديت للأحزان مارد ومصدار
واجيب من زين التماثيل تذكير = أسلي النفس الحزينه بالأشعار
واسهر لياما اسمع لحون العصافير = وتابع الاخبار ياشين الأخبار
واحيرتي هبت بوجهي معاصير = تحولت من ريح زينه إلى اعصار
دار الزمان وصار بالوضع تغيير = وانا شغلت الفكر في كثر الأفكار
والناس عن وضعي تسوي تقارير = كلاً حسب عرفه يصدر له اقرار
قالوا عطاالله خاطره فيه تكدير = قلت إي نعم مشغول بالي ومحتار
قالوا علامك قلت يالله عسى خير = جاني نصيبي من صواديف الأقدار
علماً لفاني دمر الحال تدمير = واَضحك وانا كني على صالي النار
قالوا سلمت من البلاء والدعاثير = وش علمك اللي جاب لك مر الأمرار
قلت القضية تجرح الصدر وتثير = نفسي ليا حل الحديث أو بها دار
قالو لي اصبر قلت حكم المقادير = راضيه والمكتوب ما عنه معذار
فكرت بالدنيا بحكمه وتدبير = ولين ما للعبد عن صايرٍ صار
شياً كتب للعبد ما عنه تحذير = مكتوب قبل الخلق تقدير الأعمار
لكن ليا صكت علي الدواوير= وجهّت للصاحب تماثيل واشوار
ياطير ياللي تنفض الريش ياطير = ياللي على كيفه لينه بغا طار
بلغ لأبوساري تحيه وتقدير = مني عدد ما هل هتاف الأمطار
واشرح له اوضاعي بدقه وتفسير = مالي صديقً غيره أعطيه الأسرار
قله تراني صرت ماودي أصير = عرضه لصفقات الليالي والأخطار
واليوم غير اخدر القلب تخدير = واللي مضا قلبي على الجور صبار
محصور بين أمرين يحتاج تحرير = يا ليت قلبي حر من ضمن الأحرار
وافرح بتحريره وازف التباشير = ويطيب جرحاً بالحشا عقب الضرار
هذا كلامي يابوساري وتعبير = عن حالتي وانته بالأمثال بيطار
وصلاة ربي عد ماحل تكبير = على الرسول المصطفي خير الأبرارالشاعر عطا الله بن ضبيعان البلوي
رد على قصيدة الشاعر عطا الله ضبيعان البلويياراكبٍ من فوق زين التواسير = أشقر طويل الباع من فج الازوار
حذرٍ وشذر وضارياً للمسافير = ممشا ثمان أيام يطويه مشوار
يطوي بعيد الدار فد ومغاوير = يعجبك في زوله ونوله ليا غار
وان جا نهارٍ به ملز وجماهير = الأوله لهله على كل مضمار
ماهي على قومت بعيرين وبعير = يندر على مية شناحي بمندار
ما فوقه إلا الخرج ودويرعٍ دير= والميركه هن دل حصات الاوبار
في طيهن نقشة عروج وبواكير = وافنان فيهن من زيهات الازهار
شغل العفيف الظرف زين الغنادير = اللي زها دله ضيا نور والأنوار
ورسالةٍ من جيب قرم المناعير = يا وّي ركاّباً ويا وّي مغوار
قرمٍ شهير من الرجال المشاهير= يفوق في قضي الغرض كل معيار
رسالةٍ تحمل تحايا وتوقير = عد النجوم وعد حيتان الانهار
واعداد ما يرسّن سفن وبواخير= وعداد ما خاض البحر كل بحار
للصاحب اللي يشكي الهم ويسير= ويحير ويحّير بشكواه الاخيار
يشكي علّي من الليال المقاشير= جور الزمان وستّر الوضع بستار
وانا على نهجه وضفّي تساتير = واخفي المواطي عن معمر وعمار
لجلن في دروبي وعور وعواثير = ماودي أطا فوق حساس الاوتار
ماغير الّمح له تلاميح واشير = مقدر على بث الخبر عبر الاقمار
محكوم حكم الزير فوق الزرازير = مارداه الله مالنا عنه مدحار
وانا اعرف اللي فّور الدم تفوير = والحق أحق يقال والخمن غرّار
شخصاً شخص شخصه على زيد وعمير = ماهو بنصابٍ ولاهو بفشار
يسعى لشيٍ ما سعوله الطراطير = ما زاغ عن سنة رسوله والانصار
ياصاحبي مالك عن الصبر تحوير = والله للصابر مجازي وغفّار
لو في ضميرك مثل دق المسامير = صبرك على بلواك بيحط الاوزار
وان طال صبرك بالليال المعاسير = الله يعيضك بالفرح عقب الاعسار
خلك سواة الضلع عال المواكير = ماحركه عاصف ولا سيل حدّار
وامسك بحل الله ترى فيه تجبير = وان كان جودته ترى الحبل هودار
جعل الولي رزاق عكف المناقير = يفرج همومك لو تناجيه بصخار
قلته وانا في هم عشرة قناطير = وازددت من همك ثمانين قنطار
وامسيت تشلاني هجوس ونواطير = ذولا ذوان أقفاً وذولاك حضّار
آخذ مع الهوجاس لفات وانير = كني لضيعةٍ مع الدور دوار
وامشي مع العالم وكني على كير= همي مجنزر ثومة القلب جنزار
من خلقتي مارتاح وصحيبي مكير = أفرح بفرحاته وكوّر ليا كار
وليا نصاني ما عطيته معاذير = أركض معه في كل دربٍ ومعبار
هذا وانا لك بالسهل والمواعير = أقضي لزومك فايمن الدار ويسار
علماً طلع مني ولا عنه تأخير = أنا وبو نايف سو سر وجهار
يومنّ بعض الناس مثل الخنازير = يجزون راع الطيب في صد وانكار
يناظرون الناس شحف وتحاسير = وعيونهم تهجل ورى كل دينار
وقت الوساع يفوّتون المعايير = وليا لزم لازم يولون الادبار
هذه طبايع كل غادر وزنقير = الله يبور بكل بايق وغدار
والمعذره لن كان بالقيل تقصير = ولا انت محمي يبن الاجواد ومجار
حيثك قطفت من الغصون المثامير = وانا نحته من طق من صم الاحجار
وختام قيلي قلت ولكم وكمهير = واعطيك علماً ما كتب بالاسطار
وصلاة ربي عد شغل المواطير = واعداد من وضى وصلى بالاسحار
وعداد ما يرعّن حمرُ ومغاتير = على النبي واعداد ما بالوطا سارالشاعر عبدالله بن احمد المعيقلي
التعديل الأخير تم بواسطة ياسر حمدان المقبلي ; 02-01-2006 الساعة 12:05 AM سبب آخر: الاسم خطأ
اللهّم أغفر لأبي وأسكنه فسيح جنّاتك : (
@yasser_almqbli
الاخ ياسر بارك الله فيك
الحقيقة القصيدة والرد من جزل القصيد لا تحرمنا من جديد وقديم هكذا شعراء
وان دل اختيارك للقصيد على شي فأنما يدل على حُسن الذوق وروعة الأختيار
حيثك قطفت مـن الغصـون المثاميـر
وانا نحته طق من صـم الاحجـار
الجميل
ياسر حمدان
الله
يا ياسر
يقولون مافي بلي شعار
ياسر
الصوت والصدى
من اجمل ماقريت
ياسر
سلمت وسلم لسان الشاعرين
تحياتي لك
ايه
الجميل
منتدى بلي يرحب با الضيوف اللي تزوره=من شمال الهيل با الانتر يصافح كل قاري
منتدى عن كل سايد غير في طرحه ودوره=بختصار هو الرهان أن كان لك يا القوس باري
ياســـــــــــــر المقبلي ..
ما أجملك وما أجمل تلك الحـــــــروف التي نثرتها هُـنـا ..
سلمان العرادي
ياســــــــــرحمدان البلوي
.
.
سلمت يمينك ..ولك خالص الشكر على هذا النقل
.
.
تقبل مودتي
●لوْ منِ [ تمنىَ ] يــ درك اللي تمناه ,كنَتْ أتمنَى " شوفتْك " كل سآعه!ولوُيعطيِ الله كل شئ [ طلبنآهـَ ]طَلبتك أخ لي وووولو ~ بالرضاعهْ }
الذين يشاهدون الموضوع الآن: 1 (0 من الأعضاء و 1 زائر)
المفضلات