خلني بين الهموم افتش قبور الليالي

خلني بين الهموم أفتش قبور الليالي= وإن لقيتك وسط ليلة عشت معها في لحدها
خلني بين الهموم هموم قلبي راس مالي= خلني بين الهموم اللي مشّيبني عددها
أنت ميت حّي واللا حّي ميت ذا سؤالي= بالمشاعر ما انت شاعر جيتها من عند يدها
الغلا ما هو كلام يقال وأقول أنت غالي= الغلا نبضه وعبره شوف الأم وشف ولدها
الزمان اللي صفالك من جحودك ما صفالي= وان بغيت اشكي واسولف جبت شي أمّر وأدها
خلني بين الهموم المر عندي صارحالي= ولا تدورني قبل نص الهموم ولا بَعدها
كيف الأقصى صار احّن من القّرّيب والموالي= علة ً حتى سلامه لو تجيله ما فصدها
والله انك ما بدالك فّي كثر اللي بدالي = واللا أنا الغلطة تراني قبرها عندي مهدها
القرار اللي اتخذته فيك ماهو برتجالي= بعد هم وبعد فكر ونفس عذبها نكدها
لا تحسبني مشاور فيك لا والله لحالي= استقالة من وجودي في وجودك وأعتمدها
خلني بين الهموم أفتش قبور الليالي= وان لقيتك وسط ليله عشت معها في لحدها

شاعرنا الكبير
عبدالله بن مناحي
انت غيررر
ابيات من ذهب
قصيدهـ دمااااااار شامل
صح لسانك وسلم بنااااانك