قصيده للاستاذ سليمان بن ابراهيم الربيض...شفاه الله

الاستاذ الشاعر سليمان ابن ابراهيم الربيض الوابصي...شفاه الله وغفر له قصائده رائعه ذات معاني كبيره صدرت من عقل الشهم الكريم المجرب للحياة ادعو له بالشفاء:

بديت باسم الله وابليس مخزيه=وبنيت قاف وساس قافي على ( به )
عزيل قلب غربلته طواريه=هذا يشد وذاك نوخ ركابه
البارحه حفني عن النوم مقزيه=هاجس سرق نوسي وعني مهرى به
ليلي سرى وانا اتحرى تواليه=شفق على فرقا السهر في عقابه
كم من صديق لحزة الضيق حاسيه=واثريه بارد زند غير الردى به
عارف بلاك وينتظر منك تبديه=وليا بديت شمام عذره بدا به
صديق من ذا النوع لاوين ترجيه=ليا صار ما ينفعك وش ينبغا به
الطيب حيد ويتلف اقدام راقيه=اللي رقا واللي عجز مارقا به
واللي عمل معروف يلقي جوازيه=عند الرجال وعند ربه مثابه
والعسر مثل اليسر لك مصلحه فيه=يفحص لك الخلان ويرد جابه
اللي تبين بحرة الضيق تدنيه=واللي تعيب عنك سجل غيابه
خله يغور وكافل العبد واليه=للي عن المخلوق ماصك بابه
صادق صدوق قو باسه يهقويه=وكب الردي كبه قليل المثابه
قم يا محمد هات كورك ووانيه=واكرب على اللي مابعد شق نابه
من كثر مس الكور بان الزهر فيه=(جفنان) راع الكار يحسب حسابه
زين القفا والرأس ربي مسويه=بالوصف مثل الذيب لونه يشابه
مفتل الذراعان والبعد يدنيه=ممشي ثمان أيام يومين جابه
ليا نهمت (الموج) صفن اذانيه=وحبل الرسن بيديك زاد اكترابه
عين على المدراج تقتدى مواطيه=وعين على الباكور منها مهابه
من الظما والبعد ما خاف راعيه=بالقيض والمشرب قليل الروى به
ليا هج مع فج وبد ذاك قافيه=تبارك الرحمن عجل طوى به
يشدا هجيج الديب ان عارف واديه=وجه على وادي تحرى العشا به
ملفاك عود من ربوعي يحنيه=أول كلامه مرحبا يا هلا به
يذبح سمين الضان والبن يشريه=دايم نحاوي عن دروب الخيابه
كل يعرف العود ماني مسميه=اره توقد مثل نار الحرابه
ماضي وحاضر هاشل الليل يقريه=وهذى طبوع العود بأول شبابه
قالوا تحبه ؟ قلت بالحيل واغليه=حباً يفوق الوصف محمد درى به
واحب (روض البل) وحياً سكن فيه=حباً نمى وسط الحشا وانتشابه
حباً بلا غايات شامخ مبانيه=حباً على وضح النقا والوفا به
أحب ضلعانه ونابي روابيه=سما وهوا واللي نبت في ترابه
حبيت واجد حب خافي ومبديه=ولا مثل ما حبيت حضرة جنابه
بدمي جرى حب الوطن مع مساقيه=وحب الوطن شرع النبي والصحابه
بالقيض ولا في ليالي مشاتيه=دايم مع الايام زود النمى به
لا قدر الله واخلف الوقت طاريه=بحضن الحبيب القى الوفا والذرا به
هذا كلام اللي عن النوم مقزيه=اجس سرق نومه وعنه انتحا به
وصلاة ربي عد ما الناس ترجيه=على النبي وعداد وبل السحابه

اللهم يامجيب الدعاء اشف ابا محمد واجره في مصيبته .
شكرا استاذي / قاسم القويعاني لنشر قصائد استاذنا الكبير شافاه الله / سليمان الربيض الذي طالما تعلمنا منه الكثير من العلم والمرجلة والشعر .
استاذي /قاسم
هناك الكثير من الاخطاء المطبعية امل تعديلها وتلافيها

قاســـم القويعاني ..

صح لسانك ولسان الأستاذ .. سليمان الربيض

قصيدهـ جـــزله استمتعنا بقرائتها .. فهو أذا كتب أطرب الجميع ..

أخي قاسم حبذا لو اتحفتنا بقصيدة الاستاذ سليمان الربيض

دق الهوند وخل نارك لها شعاع ::: الطيب يبقى والمخاليق يفنون

ولك مني جزيل الشكــــــــر ،،

سلمان العرادي

اللهم عافه
واعف عنه ياذا الجلال والاكرام
____________

اخي

الاستاذ

قاسم القويعاني

سلمت ودمت

دائماً وانت جزل ولا تاتي الا بالجزل

احترامي وتقديري لك

_____
عايد السميري

ابوفالح
اللهم تقبل منك ومن جميع الداعين له بالشفاء
شكرا لك ولمرورك

سلمان العرادي
شكرا لمرورك ..وعن قريب سوف ترى القصيده انشاءالله