عبدالله محمود البلوي
لله درك ماأجزلك .. مليون شكر لاخي /ياسر حمدان على نشر هذة الرائعة .
الصباح اقبل يجّر من الدلال أنواره= يبتسم والليل كنّه خيمةٍ مطويّه
والقلم يآخذ على صدر الورق مشواره = بينه وبين البيوت مداعب وحنيّه
والكلام اللي عليه من الغُموض ستاره = زارني في روحته ويزورني فـ الجيّه
صاحبي لاتشتكي, كلاً يشيل أوزاره = حاسدك صار الحسد في جبهته ماريّه
شفت هذا اللي يقّرض فيك مثل الفاره = لو"جنان الخٌلد" بيده مادخلها خيّه
مايحطّك في يمينه لاتجي بيساره = فيه أوادم عن علوم المرجله معفيّه
إن سمع بك خير, لايمكن يذيع أخباره = وإن سمع بك سٌوّ , تسمع نشرته يوميّه
يلقف الهرجه لسانٍ كنّه السنّاره= "كلمتين" يزيد فيهن من كلامه ميّه
وينقل العلم الردي لو يرتحل عن داره = أسرع من الطايره وأسرع من البرقيّه
والله إنه لو رمى دون الكلام حجاره = اليهود يسلّمون الضفّه الغربيّه
لا تراعي له وخذ من خبرة البحّاره = مايشدّون الشراع وريحهم عكسيّه
يقلع الله من على الغافل سحب منشاره = اللسان من العسل والريق ريق الحيّه
ومن يشب النار ويزيد الحطب في ناره = قِلّه يخاف الله بحق اللحوم النَيّه
قِلّه المقدار قبل نبيعه ومقداره = وقِلّه الأعمال تحبط مع فساد النِيّه
حّز في نفسٍ على كثر الغبن صبّاره = العدو مامون , والأصحاب عدوانيّه
العدو تدري منين تجيك منه الغاره = والصديق يدٌّك فيك البنيه التحتيّه
مثله ومثل الذي فوق القرون غباره = لاتجيه ولا يجيك ولا تماشي زيّه
نعرف الطيّب وعرف الطيبّين تجاره = ناس نصرفها وناسٍ مالها صرفيّه
الكريم اللي يجيك بنفسه وديناره = والبخيل اللي يبيك تسوق له جاهيّه
وفيه ذيبٍ ما يخاف من البوايق جاره = إن لقيت الخير وألاّ مالقيت السيّه
انتقيه من الرجال وفوز به واختاره = لاتفّرط في حبيبٍ عشرته حبيّه
الشجر من تربته, والماء, تزين أثماره = والوفا مايثمر إلاّ بالقلوب الحيّه
ولا يلوم الناس منهو باحهم بأسراره = يوم صدره ضاق عنها بانت المخفيّه
هاكها مني مثل ما شالت المحّاره = وعدها عني وهي من قلتها مرويّهالشاعر عبدالله بن محمود المعيقلي البلوي
التعديل الأخير تم بواسطة ياسر حمدان المقبلي ; 02-17-2006 الساعة 12:42 AM
اللهّم أغفر لأبي وأسكنه فسيح جنّاتك : (
@yasser_almqbli
عبدالله محمود البلوي
لله درك ماأجزلك .. مليون شكر لاخي /ياسر حمدان على نشر هذة الرائعة .
متى نرى هذا العذب في منتدانا ؟
أخي ياسر البلوي
لك كل التقدير و الاحترام لهذا الجهد الرائع ..
.
.
بــكــل أمــانـــه
.
أجــمــل نــص قـرأتــه في في هــذا القـسـم
منـذ حـضــوري وحتـى هـذه الســاعــة المـتـأخرة من الـشـعـر
.
الأخ
يـاســر حـمـدان الـبـلوي
تحية طيبة وبعد
بالأصـالـة عن نفسي وبالنـيـابــة عن الشـعـر وأهـله
بلغ ذلـك الإرهـابي أن عرش الشعر هنا يـنـتــظـره لــ ( يـتــربـع ) عـلـيــه
بـلـغـه أن في حضوره إعـادة لترتـيـب الصفوف قبل قرع الطبول
وإن عـجـزت عـن إقـنــاعـه بالحضور .
فأبـلـغـه بـقـدومـي لـه على أول رحـلـة لـلـبرق
.
ولا تـنـسى أن ترسـل لي عـنـوانه
فـهـكـذا جـنـون تــشــــد لـــه رحــال الإعـجــاب
.
ياسر حمدان البلوي
قبله على جـبـيـنـك بإسم الشعر
.
ولى عـودة تـلـيـق بـهـذا الـهـطـول
.
تحياتي
.
_____________________________المشاركة الأصلية كتبت بواسطة أحمد شاهر البلوي
بالفعل قصيده في غاية الروعة والجمال
و لن ازيد على ما تفضل به شاعرنا ابو شاهر ...
صح لسانك يا عبدالله ابن محمود
ويعطيك العافيه اخي ابو حمدان لنقل هذه الدره الثمينه هنا ..
والسلااااااااااام عليكم
ابوفالح
الشكر لك على المرور الجميل
لاهنت يالغلا
اللهّم أغفر لأبي وأسكنه فسيح جنّاتك : (
@yasser_almqbli
الذين يشاهدون الموضوع الآن: 1 (0 من الأعضاء و 1 زائر)
المفضلات