صدت خوي
قال الذي حده زمانه على اقصاه=ياوقتي الدوار شكواى ا لـلـــــه
غلطان من يبدي على الناس شكواه=شكوى الغير الله نقص ومذله
الله مـــــن قـلبِ تبهــــذ ل بدنياه= والله من قلبِ هجوسه تـــــــتله
تل الدلو من جمت البير برشاه= يوم الزمل صاحوا لهن ورتكله
زملِ على صوت المحاله مضراه=ضمر مقاويسِ سوت لا الاهله
وردن على عدن بعيدٍ بمضماه=يرون لطرشٍ كا الرجوم المطله
الزمل فسقى والدلو زايدٍ ماه=الدلو يــــذرف والمطايا تشله
من شلهن تقطع الدلو بعراه=وقفن وراهن برشى مادرن له
على صديقِ حز بالقلب فرقاه=عندي وصده حط بالقلب عله
الصاحب اللي عذب القلب واشقاه=وقفى وخلاني وانامنصحِ ِله
قام يتصدد ياهل العرف وش جاه=يالله عسى ماجاه ياربع زله
كانه زعل اجيه انا وترضاه=وان كان عنده ظرف والله لاحله
بالطيب بالناموس باروح بالجاه=بلي يبي يطلب وانا جاهزِِِاله
ربعي بلي تفزع من اقصاه لدناه=ياويل منهو هجنهم درهمن له
والله لاادوس الخطر وتعداه=وابيع روحي وارخص العمر كله
وحطها عنده على حد مركاه=واقوم اسوي له من الكيف دله
دله من البغداد تصلح لشرواه=امهيله ماطبها العود لاله
مزعفره صفرا على النار مركاه="في مجلسٍ من يدخله مايمله"
واسوق فنجاله على صوب يمناه=ثم يتقهوى والعشى فايتِ له
ويرجع لنا خوينا اللي فقدناه=ونعيش خوه باقي العمر كله
من شان ماتفرح بنا عداي وعداه= ويفطن لها شخصٍِ مهو فطنً له
مع تحيات
اخوكم: ابوريان الالبد
عوده ثاني البلوي
رد مع اقتباس
المفضلات