يالله ياللي طالبـك مابعـد خـاب***ويالله ياللـي كـل الاقـدار بيـده

يالله ياللي طالبـك مابعـد خـاب=ويالله ياللـي كـل الاقـدار بيـده
ويالله ياللي دعوتك تفتح ابـواب=إنـك تحفـظ المملكـه والعقـيـده
وياللي غرستو بالوطن سم الأنياب=كـذا تجـازون الوطـن بالمكيـده؟
والله لامذهـب ولا ديـن وكتـاب=يقر فـي شرعـه نخـوف عبيـده
وين العقول النيره وين الألبـاب=لحـول منهـا هالقلـوب البلـيـده
كيف انجرفتو خلف جاهل ومرتاب=غرر بكم في نهجـه اللـي يريـده
أنا اشهد ان ماهوب للخير طـلاب=اللي غدا لإبليـس ساعـي بريـده
أنتو نسيتو إن الوطن دونه أشناب=تفـدي وطنهـا بالولـد والبديـده؟
دون الوطن لامن زما كل حـرّاب=قول وفعـل هـذه العلـوم الوكيـده
الحين ماينفع مشاريـه وعتـاب=الحين يجنـي كـل منكـم حصيـده
الحين والله دور قصاص الأرقاب=ضرب الحديده الموقـده بالحديـده
الكل منكم جاه فرصـه ولا تـاب=قد أعذر المنـذر وشوفـو وعيـده
حنا لأبو متعب مشاكيـل وإذيـاب=عهد ٍ مضى واليـوم حنـا نعيـده
وللوطن حنـا صناديـد وإحجاب=لاثارت الهيجـاء وصـارت وقيـده
يادار بإسم الله عليك من الإرهاب=أرواحنا مـن دون شبـرك زهيـده

عبدالله بن فهد الهاجري

02/24/2006

صح لسانك ياأخ تركي وحنا دون الوطن نرخس الروح والمال

اشكرك على هذه القصيدة

تـــــــــركي الهرفي ..

معاني تستحق القراءة بحق ..

سلمان العرادي

الاخ
تركي البلوي


نقل جميل وذائقه اجمل

قصيده رائعه تخص وطننا الغالي ادام الله عليه هذا الامن


صح لسانك ولسان الشاعر الهاجري


ودمت بخير


عبدالله

تركي البلوي

صح لسانك
و
لسان الهاجري
ومشكور على نقل هذه القصيده الجزله
دمت بخير