رد: اكــــتب رسالتــــك فهناك من ينتــظرها,,
رسالتي الى ابن عمي المرحوم بأذن الله تعالى
محمد صالح بن مظهر
يا دار وين اللي سكن فيك يـادار = عزي لداراً غـاب عنهـا قمرهـا
رجل الشهامه والكرم نسل الأحرار = محمد اللي محتكـم فـي نحرهـا
لاقلت ابنخى الذيب ولع تقل نـار = يقول يخس الذيب عندي خبرهـا
يالعن ابو خطاً تلوى بالاخطار = ومهندس التخطيط مثبت خطرها
ويالله تعين اللي نوى فيه الاسفار = وتستر على خلقاً كثيرا ًسفرها
ياعمي لاتبكي ترى القلب منهـار = عزي لعينن غارقه فـي نهرهـا
ولا تقول وقت اليوم خاين وغدار = اقدارنـا تمشـي وهـذا قدرهـا
اصبر على الاقدار لو صار ماصار = هذي حياة العبد يجني خطرها
العيد الاول اصبح اليـوم تذكـار = ذكرى حزينه نرتوي من بحرهـا
قبله رجال من طويليـن الاعمـار = محداً بقى فيها من اللي عمرهـا
جيت المقابر قصدي اجيه زوار = عجزت خطاي تمشي حزني عثرها
ياشين شوف القبر لاصرت محتار = بين القبور اللي كثيراً بشرها
هذا ولد عماً وهذا لهم جار = وعيني على قبراً بعيداً نظرها
يالله ترحم من غدت فيه الاقـدار = ومن جنة الفردوس يجني ثمرهـا
وصلاة ربي للنبي كثـر الامطـار = وعداد ماهلـت علينـا شهرهـا
.gif)
المفضلات